Aımaqtar • 29 Qańtar, 2020

Taldyqorǵandyq jetkinshek – Eýropa chempıony

46 retkórsetildi

Bylaı qaraǵanǵa sporttyń beımálim túri sııaqty kórinetin kapoeıro jekpe-jek óneri osy ǵasyrdan bastap qana qazaq topyraǵynda qanat jaıǵan eken. Brazılııada bastaý alǵan jekpe-jektiń arǵy túbi akrobatıka men yrǵaqty bıge baryp tireledi.

Álemdi bı yrǵaǵymen baý­raǵan karnavaldar elin­de suryptalyp, túrli synaq­tan ótken jekpe-jekke «Ashe Kapoeıra» degen resmı ataý berilgen. Munyń ne­gi­­zin bra­zııalııalyq ataqty bı sheberi, sportshy Grand Mesh­tre Bahhao qalaǵan. Sport­tyq jekpe-jek túri re­tinde eń jas óner bolyp ta­nyl­ǵanymen, kapoeıromen shu­ǵyldanýshylar qatary bir qa­ýym elge aınalypty. Qazir bul sporttan dúnıejúzilik ja­rystar ótip turady. Tipti alys qurlyqtan bastalǵan óner dańqy Taldyqorǵanǵa deıin jetip úlgergen. Osy jekpe-jekten ótken álemdik dodaǵa Jetisý jeriniń ǵana emes, jalpaq Qazaqstannyń na­mysyn qorǵap barǵan jet­kin­shek Eýropa chempıony ata­nypty.

Taldyqorǵandyq Vıktor Kım – ótken jyldyń sońynda Parıj qalasynda ekinshi ret uıym­dastyrylǵan Vet Mandin­gueira festıvaline Qazaq­stannan barǵan jal­ǵyz qatysýshy. Osy fes­tıval aıasynda kapoeıro-Calado týr­nıri ótken eken. Kish­ken­­taı kapoeıroshy sonda shar­shy alańǵa shyǵyp, qar­sy­lastarynyń barlyǵyn jeńipti. Sóıtip Eýropa chempıo­ny atandy. Taldyqorǵandyq jet­kinshektiń jetistigine jek­pe-jek óneriniń atasy sanalatyn Grand Meshtre Bahhaonyń ózi tánti bolyp, tilektestigin bildirgen eken.

– Vıktor bolashaǵynan úlken úmit kúttiretin sportshy. Jalpy, kapoeıromen shu­ǵyldaný dene eńbegin ǵana emes, adamnyń sana-sezi­min, oılaý qabiletiniń tereńdigin qajet etedi. О́ıt­keni bul óner soqqy men akro­batıka elementteriniń jı­yn­tyǵy ǵana emes, bútin fılo­so­fııa­lyq júıege qu­rylǵan qı­myl-qozǵalys jelisi. Iаǵnı, ka­poeıroshyǵa kúsh, jyl­damdyq, ishki qýatpen qa­tar sanany da júrekpen bas­qara bilý daǵ­dysy tán. Shákirtimniń boıy­nan osy ta­lapqa saı keletin ushqyndy baıqaımyn. Nátıje jaman emes. Fransııada ótken chem­pıo­natta jeńis tuǵyryna kóte­rildi. Eýropanyń jas kapoeıroshylary Vıktordyń myq­tylyǵyn moıyndady, – deı­di jattyqtyrýshy Rýstam Balabaev.

 

Almaty oblysy

 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar