Rýhanııat • 29 Qańtar, 2020

Qurmanǵazy orkestri men «Mıloserdıe» qory mańyzdy qujatqa qol qoıdy

50 retkórsetildi

Qurmanǵazy atyndaǵy Qazaq memlekettik akademııalyq halyq aspaptar orkestri men «Mıloserdıe» qoǵamdyq qory arasynda qaıyrymdylyq konsertterin ótkizý týraly memorandým jasaldy. Atalmysh qujatqa DOM dırektory Arýjan Saın men Qurmanǵazy orkestriniń dırektory Qýanyshbek Muhanǵalıev qol qoıdy.

85 jyldyq tarıhy bar Qurmanǵazy orkestri osy ýaqytqa deıin túrli qaıyrymdylyq sharalaryna belsene atsalysyp keledi. Qarttar úıinde, balalar úıinde jáne múgedek jandarǵa arnalǵan uıymdarda talaı márte óz ónerin kórsetip júrgen uly orkestr elimizdegi ózge mádenı ujymdardyń arasynda alǵashqylardyń biri bolyp osyndaı ıgi isti bastady. Qazaqtyń tól ónerin dáriptep júrgen óner ordasy osy joly da muqtaj jandarǵa qol ushyn sozýdy maqsat tutyp, Qazaqstandaǵy bala quqyqtary jónindegi ýákil Arýjan Saınmen birlese jumys istemekshi.

Al «Mıloserdıe» qoǵamdyq qory (DOM - red.) 2006 jyldyń sáýir aıynda óz jumysyn bastap, búginge deıin aıyqpas dertke shaldyqqan búldirshinderdiń ómiri úshin kúresip keledi.

DOM negizgi úsh baǵyt boıynsha túrli qaıyrymdylyq sharalaryn uıymdastyrady. Solardyń ishinde «Balalarǵa ómir syıla» turaqty aksııasy aýyr syrqatqa shaldyqqan qazaqstandyq balalardyń emine qarajat jınaýmen aınalysady. Osy oraıda Qurmanǵazy atyndaǵy Qazaq memlekettik akademııalyq halyq aspaptary orkestri men Arýjan Saın bastaǵan qoǵamdyq qor ortaq kelisimge kelip, atalmysh aksııa boıynsha túrli qaıyrymdylyq sharalaryn jasaý týraly sheshim shyǵardy. Qos tarap qol qoıǵan memorandým aıasynda ótkiziletin alǵashqy konsert 23 aqpanǵa josparlanǵan.

Qaıyrymdylyq keshi Almaty qalasyndaǵy Qurmanǵazy orkestriniń konsert zalynda ótedi dep kútilýde.

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar