Rýhanııat • 29 Qańtar, 2020

Almatyda Ál-Farabı ortalyǵy-kitaphanasy ashyldy

127 retkórsetildi

Dál osy sátterde Almatydaǵy ál-Farabı atyndaǵy Qazaq ulttyq ýnıversıtetinde ál-Farabıdiń 1150 jyldyq mereıtoıynyń bastalýyna oraı Ál-Farabı ortalyǵy-kitaphanasy  ashyldy.  

Ál-Farabı ortalyǵy-kitaphanasynyń tusaýkeserine  Qazaqstan Respýblıkasynyń Memlekettik hatshysy Qyrymbek Kósherbaev, Bilim jáne ǵylym mınıstri Ashat Aımaǵambetov, Mádenıet jáne sport mınıstri Aqtoty Raıymqulova, memleket jáne qoǵam qaıratkerleri keldi.

Sondaı-aq ál-Farabıdiń 1150 jyldyq mereıtoıynyń saltanatty túrde start alýyna BUU jáne IýNESKO, IYU, TÚRKSOI, sonymen qatar, basqa da halyqaralyq uıymdardyń, Qazaqstandaǵy dıplomatııalyq mıssııalardyń ókilderi, JOO rektorlary, ǵylymı ortalyqtar men ǴZI jetekshileri, tanymal sheteldik jáne otandyq farabıtanýshy-ǵalymdar qatysady.

Mereıtoıdyń mártebeli qonaqtary búgin «Álemniń ekinshi ustazy» atanǵan Ábý Nasyr ál-Farabı babamyzdyń 1150 jyldyǵyna oraı ashylǵan Ál-Farabı ortalyǵy-kitaphanasyn aralady. Ǵulama oıshylǵa arnalǵan murajaı ekspozııasııalarymen tanysyp, onyń eńbekteri men ol týraly jazylǵan otandyq jáne sheteldik basylymdar  qoıylǵan kórmeni, Qazaqstannyń Tuńǵysh Prezıdentine, Abaı jáne Alash qozǵalysynyń qaıratkerlerine arnalǵan zaldardy, Sırek jáne qundy kitaptar qory men sıfrly oqý zalyn kórdi.

1

Sonymen qatar búgin kitaphanada mádenıet salasy boıynsha Tuńǵysh Prezıdent – Elbasy memlekettik shákirtaqysyn resmı tabys etý rásimi ótedi.

Tústen keıin shara qatysýshylary ál-Farabı eskertkishine gúl shoqtaryn qoıady, sodan keıin Stýdentter saraıynda ál-Farabıdiń 1150 jyldyq mereıtoıy saltanatty túrde bastalyp, sońy merekelik konsertke ulasady.

IýNESKO qamqorshylyǵymen halyqaralyq aýyqymda keńinen atalyp ótetin ál-Farabıdiń mereıtoılyq jyly álemniń 40-tan asa elinen qonaqtardyń basyn qosady.

2

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar