Qoǵam • 29 Qańtar, 2020

Elordada AÁK taǵaıyndaýǵa 2 myńnan astam ótinish qabyldandy

20 retkórsetildi

Osy jyldyń basynan beri AÁK taǵaıyndaýǵa 2 185 ótinish qabyldandy, 7 076 otbasy keńes alýǵa júgindi. Boljamdyq málimetterge sáıkes, 4 myńnan astam otbasyny AÁK-pen qamtý josparlanǵan. Bul týraly Nur-Sultan qalasy ákimdiginiń baspasóz qyzmeti habarlady.


Bıyl qańtar aıynan bastap ataýly áleýmettik kómek jańa formatta taǵaıyndala bastady. Onyń mólsheri januıanyń barlyq músheleri úshin jan basyna shaqqandaǵy kirister men kedeılik sheginiń arasyndaǵy aıyrmashylyq retinde anyqtalady.

Ataýly áleýmettik kómek az qamtylǵan otbasylardyń materıaldyq jaǵdaıyn jaqsartýǵa qıyn jaǵdaıdaǵy azamattardy memlekettik qoldaý jáne ómirlik qıyn jaǵdaıdan shyǵýǵa olardyń resýrstaryn yntalandyrýǵa baǵyttalǵan.

Otbasynyń jalpy kirisin esepteý kezinde elde jáne odan tys jerlerde alynǵan barlyq kirister esepteledi. Baǵdarlama boıynsha erikti qonys aýdarýshylarǵa kóshý úshin birjolǵy tólemdi qospaǵanda, jumysqa ornalasýǵa járdemdesýdiń belsendi sharalaryna qatysýdan alynǵan kirister, turǵyn úı zańnamasynda belgilengen tártippen nesıe boıynsha aldyn ala tólemniń bir bóligin jabýǵa arnalǵan turǵyn úı sertıfıkattarynyń somasy da kiris retinde sanalady.

AÁK-ke eńbekke jaramdy otbasy múshelerin taǵaıyndaýdyń mindetti sharty – olardyń jumyspen qamtylýy. Eger eńbekke qabiletti otbasy múshesi usynylǵan jumysqa jáne jumysqa ornalasýǵa yqpal etý sharalarynan bas tartsa, onda AÁK tóleý tek oǵan ǵana emes, búkil otbasyna toqtatylady.

Úmitkerlerge jumyspen qamtýǵa járdemdesý túrinde jumyssyzdyqtan qoǵamdyq jumystardy uıymdastyrý, kásiptik oqytý, biliktilikti arttyrý jáne qaıta daıarlaý, memlekettik granttar berý, oqý oryndarynyń túlekterine arnalǵan jastar praktıkasyn uıymdastyrý, maqsatty toptaǵy adamdar úshin áleýmettik jumys oryndaryn qurý, keńes berý sekildi qyzmetter kórsetiledi.

«Elektrondyq eńbek bırjasy» derekter bazasynda (www.enbek.kz) 6 003 jumys berýshiden 6 543 bos jumys orny bar. Onyń ishinde jalaqysy 100 000 teńgege deıin - 3 446 bos jumys orny, jalaqysy 100 000-1 000 000 tenge 1 574 bos jumys orny jáne jalaqysy 150 000 teńgeden asatyn 1 523 bos jumys orny jarııalanǵan. Sondaı-aq az qamtylǵan azamattar qatarynan adamdardy jumysqa ornalastyrýdyń ıkemdi kestesi bar bos jumys oryndary berilgen.

Sondaı-aq AÁK alatyn az qamtylǵan otbasylardyń balalary úshin kepildendirilgen áleýmettik paket beriletin bolady. 6 jastan 18 jasqa deıingi balalar úshin áleýmettik paketke mekteptegi kúndelikti ystyq tamaq, mektep formasy men oqý quraldary kiredi, qoǵamdyq kólikterde jol júrý aqysy jeńildikpen qamtamasyz etiledi.

Ataýly áleýmettik kómek kórsetýdiń jańa tásilderimen qatar, osy jyldyń 1 qańtarynan bastap Qazaqstanda barlyq kóp balaly otbasylarǵa, olardyń tabystaryna qaramastan, memlekettik balalar járdemaqysy engizildi. Onyń mólsheri balalar sanyna qaraı belgilenedi (4 bala - 42 496 teńge, 5 bala - 53127 teńge, 6 balalarǵa – 6 3757 tg, 7 jáne odan joǵary - 74 388 tg). «Altyn alqa» jáne «Kúmis alqa» alqalarymen marapattalǵan kóp balaly analar úshin aı saıyn 16 973 teńge mólsherinde járdemaqy tólenedi.

Aıta ketsek, AÁK taǵaıyndaý týraly ótinish aıdyń basyna nemese aıaǵyna qaramastan kez kelgen ýaqytta qabyldanady.


Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar