Aımaqtar • 29 Qańtar, 2020

Jańaózende 50 oryndyq dárigerlik ortalyq jyl sońynda paıdalanýǵa beriledi

59 retkórsetildi

Esep berý jıynynda qala basshysy Maqsat Ibaǵarov densaýlyq salasy boıynsha da sóz qozǵady.

Jaqynda qalalyq kópbeıindi aýrýhananyń janynan «kardıo ortalyq» ashylyp, 15 adamǵa koronografııa operasııasy jasalǵan. Sonymen qatar «Samuryq-Qazyna Trast» AQ qoldaýymen 3 reanımobıl avtokólik jáne «Alǵa» múgedekter klýbyna sportpen aınalysýǵa arnalǵan qural-jabdyqtar qamtamasyz etilgen.  Bundaı oń ózgeris aldaǵy ýaqytta da jalǵasyn tappaq.

Máselen, 50 kereýettik stasıonary bar medısınalyq ortalyqtyń qurylysyn jyl sońyna deıin aıaqtap, paıdalanýǵa berý josparlanyp otyr.  Al Qyzylsaı aýylyndaǵy dárigerlik ambýlatorııanyń qurylysy 2020 jyly bastalady. Turǵyndar tarapynan qoǵamdyq kólik, Rahat aýylyna kireberis kóshesiniń asfalt jolyna kúrdeli jóndeý, endokrınolog, nevropatolog syndy dárigerler jetispeýshiligi, shaǵyn aýdandarǵa balalar oıyn alańshalaryn salý syndy máseleler qozǵaldy. 

Jıyn sońynda oblys ákimi sóz alyp, Maqsat Ibaǵarovqa bir qatar tapsyrmalar berdi. Atap aıtsaq, jumyssyzdyqty azaıtý, shaǵyn jáne orta kásipkerlerdi damytý, qala ishindegi kásipkerlik baǵytqa yńǵaılanǵan jerlerdi aýksıonǵa shyǵarý.

Sonymen qatar densaýlyq salasyndaǵy maman tapshylyǵyn retteý, jolaýshylar tasymaldaıtyn qoǵamdyq kólikterdi jańartý, aýyz sý máselesin sheshýdi tapsyrdy.

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar