Álem • 29 Qańtar, 2020

Koronavırýs: Qytaıda alǵashqy emhana eki kúnde ashyldy

3278 retkórsetildi

Ýhan mańyndaǵy qalada Qytaı bıligi ýáde etken alǵashqy koronavırýs juqtyrǵan naýqastarǵa arnalǵan emhananyń biri jumysyn bastady. 48 saǵat ishinde jumysshylar men eriktiler bos turǵan ǵımaratty myń oryndyq emhanaǵa aınaldyrǵan.  

Foto: jergilikti BAQ

Hýanchjoý aýdanyndaǵy aýrýhana ǵımaraty bastapqyda Hýangannyń ortalyq aýrýhanasynyń jańa fılıaly retinde salynǵan jáne mamyr aıynda ashylýy kerek bolatyn.

Alaıda juma kúni jergilikti bılik bos turǵan ǵımaratty koronavırýs juqtyrǵan naýqastardy emdeıtin emhanaǵa aınaldyrý týraly sheshimin jarııalaǵan. Jóndeý jumystary senbide bastalyp, dúısenbi kúni emhana naýqastardy qabyldaýǵa daıyn bolǵan.

Jergilikti BAQ-taǵy málimetke sáıkes, alǵashqy naýqastar jańa ashylǵan Dabie Mountain aımaqtyq medısınalyq ortalyǵyna seısenbi kúni jergilikti ýaqytpen saǵat on jarym shamasynda kelip túsken.

Aýrýhanany ýaqytynda tapsyrý úshin 500-den astam jumysshy men ondaǵan aýyr tehnıka eki kún, eki tún boıy jumyldyrylǵan.

Emhana ashylǵan Hýangan Ýhannan ońtústik-batysqa qaraı 75 shaqyrym jerde ornalasqan 7,5 mıllıon halqy bar qala. Vırýstan zardap shekken aımaqtardyń biri retinde qalada beısenbi kúni Ýhanmen birge qoǵamdyq kólik qozǵalysy toqtatylyp, kirip-shyǵýǵa tyıym salynǵan.

Sońǵy málimetterge sáıkes, Qytaıda indetten 131 adam kóz jumǵan, al álem boıynsha vırýsty juqtyrǵandar sany 6000-ǵa jetti.

Bul aýrýhana alǵashqy ashylǵandardyń biri bolǵanymen, josparda salynýǵa tıis ǵımarat emes. О́tken beısenbide Ýhan bıligi indetpen kúresý maqsatynda bir apta ishinde jańa aýrýhana soǵatynyn málimdegen edi. Qazir elde ózge 4 emhana salynyp jatyr nemese qurylysy aıaqtalyp qalǵan.

Bir aptada aýrýhana turǵyzý Qytaı bıligi úshin jańa emes. Osyǵan deıin 2003 jyly Pekınde atıpti pnevmonııa (SARS) indetin emdeýge 7 kúnde arnaıy ýaqytsha medısınalyq ortalyq salynǵan. Qytaı bıligi ýáde etken tek koronavırýstyń jańa túrin juqtyrǵan naýqastar jatatyn aýrýhananyń barlyǵy osy ortalyqtyń úlgisinde júzege asyp jatyr. 

Sońǵy jańalyqtar

Jekpe-jek: Qaırat Ahmetovtiń qarsylasy anyqtaldy

Kásipqoı boks • Búgin, 13:38

Jambyl jerindegi júıesiz jumystar

Aımaqtar • Búgin, 13:13

Eriktilerge el alǵys aıtty

Aımaqtar • Búgin, 11:16

Qazalyda saqtyq sharalary kúsheıtildi

Aımaqtar • Búgin, 10:52

Uqsas jańalyqtar