Degenmen, 1 sáýirden bastap barlyq azamattar saqtandyrylǵan bolýy kerek. О́ıtkeni medısınalyq qyzmetterdiń tolyqtyǵy men sapasy osyǵan baılanysty bolmaq.
Sonymen búgin qala qala ákimi Baqytjan Saǵyntaev Ortalyq qalalyq klınıkalyq aýrýhanasy men №4 qalalyq emhanasynda bolyp, bul emdeý mekemeleriniń MÁMS júıesi boıynsha qalaı jumys istep jatqanyn tekserdi.
Megapolıs ákimi osy jańa júıe boıynsha medısınalyq kómek kórsetý jumysymen tanysyp, aqparattyq júıelerdiń, sondaı-aq medısınalyq qyzmetkerlerdiń daıyndyǵy men pasıentterdiń bul júıege degen pikirin surastyrdy.
Sondaı-aq Almatydaǵy medısınalyq uıymdarynda qoldaý qyzmetteri jumys isteıdi. Onda pasıentterge emhanaǵa tirkelýge jáne MÁMS júıesiniń qatysýshysy bolýǵa kómek beriledi. MÁMS-ke tólem júrgizý úshin termınaldar sany artady.
«Almatylyqtardy densaýlyqqa qatysty mańyzdy máseleni keıinge qaldyrmaı, emhanaǵa júginýge shaqyramyn» dep jazdy B.Saǵyntaev óziniń resmı Instagram paraqshasynda.
О́z kezeginde MÁMS-ti engizý prosesine qalalyq shtab jetekshilik etedi.
Almaty qalasy ákimdigi qanadı da suraqtar týyndaǵan jaǵdaıda +7 (727) 300-0103 telefony arqyly, sondaı-aq 1406 nómiri boıynsha respýblıkalyq Call-ortalyǵyna habarlasý qajetttigin eskertedi.
Jáne bul kúnderi Almatyda BDSU usynystaryna sáıkes koronavırýs ınfeksııasyna qarsy is-qımyl sharalary kúsheıtilip otyr.
