Aımaqtar • 29 Qańtar, 2020

Shymkentte sybaılas jemqorlyqtyń aldyn alý maqsatynda shtab otyrysy ótti

68 retkórsetildi

Búgin Sybaılas jemqorlyqqa qarsy is-qımyl agenttigi janynan qurylǵan respýblıkalyq aqparattyq-aǵartý shtabynyń músheleri Shymkent qalasyna jumys saparymen keldi.

Syndarly dıalog qurý jáne keńeıtilgen aqparattyq is-sharalar arqyly parasattylyq qaǵıdattaryn damytýdy jáne sybaılas jemqorlyqtyń aldyn alýdy maqsat etken shtab músheleri alǵashqy kezdesýin qala aktıvimen ótkizdi.

Jıynǵa qala ákimi M.Áıtenov, respýblıkalyq úgit-nasıhat shtabynyń basshysy Y.Tursynzada, Sybaılas jemqorlyqqa qarsy is-qımyl agenttiginiń ókili A.Berdalın, agenttiktiń Shymkent qalasy boıynsha departamentiniń basshysy A.Jumaǵalı, sondaı-aq, jergilikti atqarýshy organdardyń basshylary men arnaıy monıtorıngtik toptyń músheleri qatysty.

Agenttik ókili Arman Berdalın shtab qurýdyń qoǵam aldyndaǵy mańyzyn túsindirip, sybaılastyqtyń aldyn alýda qoǵamdyq sanaǵa serpilis jasaý qajettigin atap ótti.

«Sybaılas jemqorlyqqa qarsy mádenıetti qalyptastyrý kerek. Shtabtyń quramynda bir de bir memlekettik qyzmetshi joq. Memleket jáne qoǵam qaıratkerleri, urpaqty tárbıeleý jolynda eseli eńbek etip júrgen azamattar. Shtabqa múshe bolamyn, jemqorlyqqa beıjaı qaramaımyn, adaldyq prınsıpine úles qossam degen azamattar bolsa, bárine esigimiz ashyq» dedi agenttiktiń resmı ókili A.Berdalın.

Shtab jetekshisi Yrza Tursynzada urpaq tárbıesi jóninde salmaqty oılaryn aıtyp, shtab jumysyn qoǵam bolyp jandandyrý qajettigin jetkizdi.

Agenttiktiń Shymkent qalasy boıynsha departamenti janynan qurylǵan aqparattyq-aǵartý shtaby jumysyn ótken jyldyń sońynda bastap, qazirgi tańda birqatar ujymmen, jastarmen kezdesip, túsindirý jumystaryn júrgizýde.

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar