Aımaqtar • 29 Qańtar, 2020

Qazaq handyǵynyń 555 jyldyǵyna arnaldy

713 retkórsetildi

Semeı qalasynyń ortalyqtandyrylǵan kitaphana júıesinde №20 mekteptiń 8-synyp oqýshylarynyń qatysýymen Qazaq handyǵynyń qurylǵanyna 555 jyl tolýyna oraı «Qazaq handyǵy – Ata jol tarıhy» atty tarıhı oqýlar ótkizildi.

Is-shara barysynda kitaphana mamandary Qazaqstan eli ata-babalarymyzdyń baı tarıhy men mádenı murasynyń ıesi ekenin, óz tarıhyńdy zertteý árqashan barlyq ýaqytta ózekti bolyp qalatynyn jetkizdi. Jáne de bıyl Qazaq memlekettigine 555 jyl tolatynyn, osy kúndi toılaý búgingi kúnniń úlken jetistigi bolyp tabylatynyn atap ótti.

Kitaphanashylar 1465 jyly Kereı men Jánibek bastaǵan qazaq memlekettigi men alǵashqy handyqtyń qurylýy kezinde ata-babalarymyzdyń basynan keshken batyl is-áreketteri týraly áńgimeledi. Budan keıin qatysýshylar eki topqa bólinip, usynylǵan oqıǵalar men shaıqas sıpattamalary boıynsha úzindilerdi oqyp, urys dalasynyń orny men jer ataýlaryn anyqtady. Sonymen qatar tarıhı tulǵalardyń portretteriniń sıpattamasyn oqı otyryp, qazaq handary men basqarýshylarynyń esimderin tapty.

Semeı qalasynyń ortalyqtandyrylǵan kitaphana júıesi mamandarynyń aıtýynsha, qazaq halqynyń taǵdyry týraly tolǵana kele, qatysýshylar «Qazaq handyǵynyń qurylýy», «Qazaq eli» atty beınerolıkter men Qazaq handyǵynyń tarıhy týraly derekti fılmnen úzindilerdi qyzyǵýshylyqpen tamashalaǵany uıymdastyrýshylarǵa da erekshe áser qaldyryp otyr.

Is-shara sońynda «Qazaq handyǵy - Ata jol tarıhy» atty kitap kórmesine sholý jasaldy.

 

 

Semeı

Sońǵy jańalyqtar

Abaı murasy Bishkekte talqylandy

Rýhanııat • Keshe

Uqsas jańalyqtar