Aımaqtar • 29 Qańtar, 2020

Aqtaýlyq zııatkerler Lıondaǵy BUU Modeli konferensııasyna qatysady

88 retkórsetildi

Bilim ordasynyń 10-11-synybynda oqıtyn Aqtaý qalasyndaǵy Nazarbaev Zııatkerlik mektebiniń 10 oqýshysy qańtardyń 30-y men aqpannyń 1-i aralyǵynda Fransııanyń Lıon qalasynda ótetin BUU Modeli dúnıejúzilik jastar konferensııasyna qatysady.

Álemdegi belsendi jas kóshbasshylardyń basyn qosqan BUU Modeli konferensııasynyń bıylǵy taqyryby «Sý: ózgeristerge qulshynys» dep atalady. Bul týraly Aqtaý qalasyndaǵy Nazarbaev Zııatkerlik mektebiniń baspasóz qyzmeti habarlady.

Búgin Nurkamal Álıhan, Quralaı Sanat, Aıdana Bakıtova Kámshat Aqmuratova, Mırlanbek Shansharov, Aqbota Alpamysova, Dana Esbergenova, Aqjibek Saǵyndyqqyzy, Hısamı Tomırıs konferensııaǵa qatysý úshin jolǵa shyqty. Konferensııa qatysýshylary álemdegi sý problemalaryna toqtalyp, pikirtalastar saıysyna qatysady dep josparlanyp otyr.

- Bul oqýshylar mektebimizde eki jyl buryn qurylǵan BUU Modeli klýbynyń belsendi músheleri. Klýb músheleri BUU qabyldaǵan qujattamalarǵa sáıkes jer betindegi qaýipsizdik pen beıbitshilikti saqtaýǵa arnalǵan turaqty damý maqsattaryn negizge alyp jumys isteıdi. Dúnıe júzinde keńinen taralǵan tájirıbeni Aqtaýda alǵash bolyp júzege asyrýshy jastar, - deıdi balalarmen attanǵan mektep dırektorynyń orynbasary Álııa Haseneeva.

Fransııanyń ońtústiginde ornalasqan Lıon qalasynda ótetin jastar konferensııasyna aqtaýlyq oqýshylar tuńǵysh ret qatysqaly otyr. Jıyndy Lıondaǵy halyqaralyq mektep pen Skole halyqaralyq ýnıversıtetiniń belsendi stýdentteri bıyl segizinshi ret ótkizgeli otyr.

- BUU Modeli mektebimizde turaqty jumys istep kele jatqan klýbtardyń biri. Uıymnyń maqsaty - álemdik problemalarǵa jastardyń nazaryn aýdaryp, ózekti problemalardy talqylaý arqyly sheshýge umtylý. Bul bizdiń dıplomatııalyq jáne kóshbasshylyq qabiletterimizdi arttyrady dep esepteımin. Aldaǵy úsh konferensııada Tarıhı qaýipsizdik keńesi komıtetinde sóz sóıleımin, - deıdi konferensııa qatysýshysy Aıdana Bakıtova.

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar