Aımaqtar • 29 Qańtar, 2020

Ashat Aımaǵambetov bolashaq pedagogtarmen kezdesti

129 retkórsetildi

Búgin Bilim jáne ǵylym mınıstri Ashat Aımaǵambetov stýdenttermen kezdesti. Bul týraly Qazaq ulttyq qyzdar pedagogıkalyq ýnıversıtetiniń baspasóz qyzmeti habarlady.

Abaı atyndaǵy Qazaq ulttyq pedagogıkalyq ýnıversıtetinde ótken basqosýǵa bolashaq pedagog mamandar qatysty.

Atap aıtqanda, mınıstr ál-Farabı atyndaǵy Qazaq ulttyq ýnıversıteti, Qazaq ulttyq qyzdar pedagogıkalyq ýnıversıteti, Abaı atyndaǵy Qazaq ulttyq pedagogıkalyq ýnıversıteti men Abylaı han atyndaǵy Qazaq halyqaralyq qatynastar jáne Álem tilderi ýnıversıtetiniń stýdentterimen saladaǵy túıtkildi taqyryptar tóńireginde áńgime órbitti.

– Jaqynda bilim berý salasy boıynsha eki mańyzdy qujat qabyldandy. Atap aıtqanda, 2020-2025 jyldarǵa arnalǵan bilim men ǵylymdy damytýdyń jańa memlekettik baǵdarlamasy men «Pedagog mártebesi týraly» Zań. Bul qujattar pedagogıkalyq qyzmetkerlerdiń jumys jaǵdaıyn jaqsartý men bilim sapasyn arttyrýǵa baǵyttalǵan. Sonymen qatar attestattaýdyń jańa formatynyń qorytyndysy boıynsha 156 myńnan astam pedagogke biliktilik sanaty berildi. Bul óz kezeginde muǵalimderge 30-dan 50 paıyzǵa deıin qosymsha aqy tóleýge múmkindik berdi, - dep atap ótti mınıstr.

Sondaı-aq elimizdiń bas pedagogy balalardy mańyzdy aqparatty durys tańdaýǵa jáne bilimdi tájirıbede qoldanýǵa úıretetin jańartylǵan mazmundaǵy oqý baǵdarlamalarynyń artyqshylyqtaryn túsindirdi.

Kezdesýde «Jańa zań óskeleń uraq tárbıesine aralasatyn pedagog mamandar úshin qandaı múmkindikter beredi?»,  «Aldaǵy ýaqytta elimizdegi bilimniń sapasy arta ma, jergilikti jerlerde mektepter jetispeýshiligi sheshilip, materıaldyq bazasy jańara ma, alys aımaqtarǵa pedagog mamandar bara ala ma?» syndy suraqtar qaýzaldy.

Sonymen qatar vedomstvo basshysy bilim salasyn jaqsartýǵa baǵyttalǵan keshendi jumystar jaıynda da atap ótti.

Erkin dıalogqa qurylǵan jıyn barysynda stýdentter ózderin tolǵandyrǵan suraqtarǵa jaýap alyp, usynystaryn bildirdi.

Saýaldardyń basym bóligi joǵary oqý oryndary men mektepterdegi zerthanalardyń zamanaýı talaptarǵa saı kelmeýimen, jekelegen pánderdi oqytýda kezdesetin qıyndyqtar men oqýlyqtar sapasy, dástúrli bilim berý men dýaldy oqytý júıesindegi máselelerdi qamtıdy.

Sońǵy jańalyqtar

Shymkenttik joldar qoǵam baqylaýynda

Aımaqtar • Búgin, 14:57

Qyzylorda: Oblys ákimi ortalyqqa bardy

Aımaqtar • Búgin, 14:39

Jekpe-jek: Qaırat Ahmetovtiń qarsylasy anyqtaldy

Kásipqoı boks • Búgin, 13:38

Aýyldaǵy jurt áli senbeıdi

Qoǵam • Búgin, 13:23

Jambyl jerindegi júıesiz jumystar

Aımaqtar • Búgin, 13:13

Eriktilerge el alǵys aıtty

Aımaqtar • Búgin, 11:16

Qazalyda saqtyq sharalary kúsheıtildi

Aımaqtar • Búgin, 10:52

Uqsas jańalyqtar