Qazaqstan • 29 Qańtar, 2020

Elimizdiń Qarýly Kúshteri Áskerı-tarıhı mýzeıi izdestirý-muraǵattyq jumystaryn júrgizip jatyr

43 retkórsetildi

Qarýly Kúshteri Áskerı-tarıhı mýzeıiniń izdestirý-ekspedısııalyq bólimi Uly Otan soǵysy kezinde qaza bolǵan jáne iz-tússiz joǵalyp ketken qazaqstandyq sarbazdarǵa izdestirý-muraǵattyq jumystaryn júrgizýde. Bul týraly Qorǵanys mınıstriliginiń baspasóz qyzmetinde habarlady.  

2020 jyly Uly Otan soǵysyndaǵy Jeńiske 75 jyl tolady. Uzaq jyldar boıy kóptegen qazaqstandyq otbasylar úshin ata-babalarynyń qabiriniń naqty ornalasýy týraly aqparat qoljetimsiz jáne de áli kúnge deıin 100 myńnan astam qazaqstandyq jaýynger qaza tapqan nemese habar-osharsyz ketken dep esepteledi.

Izdeý jumystary úshin TMD jáne alys shetelderdegi qaza tapqan jáne habar-osharsyz ketken sarbazdardyń derekter bazasy, ınternet-resýrstar jáne buryn jabyq bolǵan aqparattar, sonymen qatar, sheteldik muraǵattar jáne 1941-1945 jyldardaǵy qyzyl áskerdiń qaıtarymsyz shyǵyny týraly qupııasyzdanǵan habarlamalar paıdalanylady.

Sonymen qatar oblystyq Tarıhı-ólketaný mýzeılerimen, muraǵattarmen, ǵalym-zertteýshilermen, muraǵatshylarmen, izdeýshilermen, «Atamnyń Amanaty» qoǵamdyq birlestigimen jáne jergilikti áskerı basqarý organdarymen birlesken jumystar júrgizilýde. 2020 jylǵy qańtar aıy boıynsha QK Áskerı-tarıhı mýzeıine soǵysqa qatysqandardyń týystarynan 556 ótinim kelip tústi. 48 ótinim boıynsha alǵashqy jerleý oryndarynyń ornalasqan jeri týraly aqparat anyqtaldy. Olardyń 38-i Reseı Federasııasynyń aýmaǵynda ornalasqan (Rostov oblysy Matveevo-Qorǵan aýdany; Orlov oblysy Ýlıanov aýdany; Karelo-fın KSR, Petrovskıı aýdany jáne t. b.); 4-i Majarstan aýmaǵynda (Mıke-Perch aýyly, batys aımaq); 2-i Latvııada (Karsaev ýezdi); 2-i Germanııada (Brandenbýrg, Noı-Levın aýyly, aǵalyq qabir); 1-i Polshada (Mazovesk eldi mekeni); 1-i Belorýssııada (Polessk oblysy). Kúndelikti 3-ten 5-ke deıin ótinim túsedi.

Qyryq jyldyq ótili bar tájirıbeli «Memorıaldyq aımaq» izdestirý jasaǵynyń komandıri Maıdan Qusaıynovtyń aıtýynsha, joǵalǵan jaýyngerlerdi izdeýdiń túrli ádisteri bar. Máselen, muraǵattyq-dalalyq jumystardan bastap ınternet-izdestirýge deıin. Qazir áleýmettik jelilerdegi túrli toptar men qaýymdastyqtar qaza tapqan jaýyngerlerdi izdeý máselesin sheshýdegi qýatty resýrs bolyp otyr. 

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar