Aımaqtar • 29 Qańtar, 2020

Qyzylordaǵa koronavırýs kelgen joq

141 retkórsetildi

Búgin qyzylordalyqtardy tańerteńnen áleýmettik jelilerde «Oblystyq juqpaly aýrýlar aýrýhanasyna koronavırýs ınfeksııasyn juqtyrǵan adam jatqyzylypty» dep taraǵan jazba ábigerge salǵan edi. Jurtty dúrliktirgen jaǵdaıǵa baılanysty tústen keıin brıfıng ótkizgen mamandar máseleniń mán-jaıyn ashyp aıtty.

Oblystyq densaýlyq saqtaý basqarmasynyń basshysy Jaqsylyq Abdýsametov pen taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Álııa Ábdiqaıymova osy jylǵy 28 qańtar kúni ystyǵy kóterilip, dárigerge qaralǵan bir azamattyń qazir oblystyq juqpaly aýrýlar aýrýhanasynda em alyp jatqanyn jasyrǵan joq.

Dárigerlerdi alańdatqany, onyń 11-18 qańtar aralyǵynda Qytaı elinde em alǵany bolyp shyqty. Jıyrmasynshy qańtarda Qyzylordaǵa jetken jerlesimiz 8 kúnnen keıin aýrýhanaǵa túsken. Bir qýanarlyǵy – dárigerler kúdik rastalmady. Qazir naýqastyń ystyǵy túsip, em alýdy jalǵastyrýda.

Vırýsologııalyq zerthana mamandary da jerlesimizdiń qaýipti vırýsqa shaldyqpaǵanyn rastap otyr. 

Brıfıngte tıisti oryndardyń qaýipti indetti boldyrmaý baǵytyndaǵy arnaıy is-sharalar jospary aıasynda jumys istep jatqany aıtyldy. Sonymen qatar oblystyq polısııa departamentine óńirimizge syrt memleketterden kelgen azamattar jaıly derekti kedergisiz berý jaıly usynys jasaldy.  

Sońǵy jańalyqtar

Mańǵystaýda qan tapshylyǵy sezilýde

Aımaqtar • Búgin, 12:26

Qyzylorda: Test synamalary jetkizildi

Aımaqtar • Búgin, 11:56

Til saıasatyna reforma kerek pe?

Suhbat • Búgin, 10:45

Petropavl: 16 jastaǵy boıjetken ustaldy

Aımaqtar • Búgin, 10:28

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Uqsas jańalyqtar