Aımaqtar • 30 Qańtar, 2020

Bankke baryp kitap oqyńyz

35 retkórsetildi

S.Toraıǵyrov atyndaǵy Pavlodar oblystyq kitaphanasy oblystyq mádenıet, tilderdi damytý jáne arhıv isi basqarmasynyń bastamasymen «Bıblıokerýen» atty tyń jobany qolǵa aldy. Jańa joba aıasynda kitaphanashylar óńirdegi keıbir mekemeler men uıymdarǵa baryp kóshpeli kórme ótkizedi.

Alǵashqy kitap kórmesi oblys ortalyǵyndaǵy Estaı kóshesi 40 úı mekenjaıynda ornalasqan «Halyq Bank» AQ bólimshesinde ótti. Atalǵan kitap kórmesine ob­lystyq kitaphananyń sırek kezdesetin kitap qorynan tańdaýly týyndylar qoıyldy. Sóredegi kitaptardyń eń kónesi 1777 jyly jaryq kórgen. Budan bólek, uly oıshyl, fılosof, aqyn Abaı Qunanbaıulynyń shyǵar­mashylyǵynan syr sher­tetin kitaptar da kórmeden oryn aldy. Atap aıtsaq, M.Áýezov daıyn­daǵan 1945 jyly Reseı astanasy Máskeýde jaryq kórgen Abaıdyń tańdamaly shyǵarmalar jınaǵy, 1936 jyly basylǵan Vs.Rojdestvenskııdiń Abaı shy­ǵar­­malarynyń aýdarmasy da kóp­shilik nazaryna usynyldy.

Kórmeni tamashalaýshylar Juban Moldaǵalıev, Aqushtap Baqtygereeva sekildi basqa da aqyn-jazýshylardyń tańdaýly shyǵarmalarymen tanysty.­ Kitaphana ujymy alda taǵy da birneshe mekemelerge baryp,­ dál osyndaı sharalardy qolǵa alýdy josparlaýda. Kórmeni uıym­dastyrýdaǵy maqsat, halyqty jappaı kitap oqýǵa shaqyrý, kitaphanalardyń jumysyn nasıhattap, qoǵam­da kitap oqý mádenıetin qalyp­tastyrý.

 

 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar