Jol bıtýmy jetkilikti

Jylyna 1 mln tonna munaı óńdeýdi, sol arqyly 120 myń tonna modıfıkasııalanǵan bıtým men 400 myń tonna qyshqyldanǵan bıtým, ıaǵnı tutqyrly munaı bıtýmy men túrlendirilgen jol munaı bıtýmy syndy bıtýmynyń eki túrin shyǵaratyn zaýyt «QazMunaıGaz» ben «CITIC Kazakhstan» JShS-nyń birlesken kásiporny sanalady.

Qazirgi tańda seriktestik ónim óndirý qýaty men ónim sapasyn arttyryp, ishki naryq­ty qamtamasyz etýmen birge óz ónim­derin shetelderge eksporttaý múmkindigine qol jetkizdi.

Jol bıtýmynyń alǵashqy eksporty О́zbek­stanǵa 2017 jyly 650 tonna kóleminde jónel­tilgen bolatyn. О́tken jyldyń sońynda kásip­oryn eksport kólemin 10 myń tonnaǵa jetkizdi. Eńbek yrǵaǵyn qalypty jaǵdaıǵa túsirgen zaýytta ónimdi eksportqa shyǵarý turaqty negizde júrgizilýde. Mamandardyń aıtýynsha, buryn zaýyt qys mezgilinde jumysyn toqtatatyn bolsa, qazir ónimge degen sheteldegi joǵary suranysqa baılanysty jyl boıyna úzdiksiz jumys isteıdi. Bul bıtýmnyń joǵary qosylǵan qunyn eskergende, kásiporyn kirisine edáýir yqpal etedi.

Zaýyt ótken jyly eksport kólemin ulǵaı­typ qana qoımaı, jalpy eńbek ónimdiligin arttyrdy. «CASPI BITUM» BK» JShS jol bıtýmyn óndirý kólemin josparlanǵan kórsetkishten 23%-ǵa artyq oryndap, 369 073 tonnaǵa jet­kizdi. 2018 jyly zaýyt 308 286 tonna ón­dir­gen bolatyn. Aqtaý bıtým zaýyty teh­nı­kalyq sıpattamalary boıynsha sapasy joǵary jol bıtýmyn shyǵarý úshin eń ońtaıly shıkizat bolyp tabylatyn «Qarajanbas» ken ornynyń munaıyn jylyna 1 mln tonnaǵa deıin óńdeı alady. Al munaıdy óńdeý kólemi byltyr 885 969 tonnaǵa deıin jetip, jospar 15%-ǵa artyǵymen oryndaldy. Sondaı-aq Aqtaý bıtým zaýytynyń ónimin Mańǵystaý, Almaty jáne Aqtóbe oblystary paıdalana bastady.

Zaýyt jumysynyń nátıje­sinde jáne basqa otandyq óndirý­shi­lerdiń ónimin qosa alǵan­da, bú­ginde eldiń jol bıtýmyna degen qajet­tiligi tolyq qamtylyp otyr. Aqtaýdaǵy zaýyt jumysy men ónimi avtokólik jolyn jań­ǵyr­týdaǵy elimiz úshin daıyn ári sapaly otandyq ónim retinde mańyzdy.

Mańǵystaý oblysy