Parlament • 30 Qańtar, 2020

El múddesin kózdeıtin zań jobalary maquldandy

381 retkórsetildi

Parlament Májilisiniń Spıkeri Nurlan Nyǵma­tý­lınniń tóraǵa­ly­ǵy­men ótken Palatanyń jalpy otyrysynda eki zań jobasy maquldandy.

Múmkindikterdi arttyratyn qujattar

Májilis depýtattary kún tártibinde aldymen «Dúnıejúzilik poshta odaǵynyń Jarǵysyna Toǵyzynshy qosymsha hattamany ratıfıkasııalaý týraly» zań jobasyn jan-jaqty qarastyryp, qoldaý bildirdi.

Atalǵan qujattyń jaı-japsarymen Sıfrlyq damý, ınnovasııalar jáne aeroǵarysh mınıstri Asqar Jumaǵalıev tanystyrdy. Ol Qazaqstannyń Dúnıejúzilik poshta odaǵyna 1992 jyldan bastap tolyq múshe ekenin aıta kele, osy saladaǵy halyqaralyq yntymaqtastyqty damytý máselesin kótermeleý, damýshy elderde poshta qyzmetin uıymdastyrý jáne tehnıkalyq kómek kórsetýdi qamtamasyz etý sııaqty odaqtyń basty min­det­terine toqtaldy.

– Dúnıejúzilik poshta odaǵyna múshe bolý onyń jarǵysy, kon­­vensııasy, reglamenti jáne qosym­sha kelisimderi sııaqty negiz­gi qujattaryna qol qoıý arqy­­ly rastalady. Qaraýǵa usy­ny­lyp otyrǵan Dúnıejúzilik poshta odaǵy Jarǵysynyń Toǵy­­zynshy hattamasy Dúnıe­jú­zilik poshta odaǵynyń 26-kon­gresinde jasalǵan jáne Qazaqstan Respýblıkasy ýákiletti ókil­deriniń qoly qoıylǵan. Osy hat­tamamen Dúnıejúzilik posh­ta odaǵy Jarǵysyna posh­ta aýmaǵynda barlyq jolda­manyń ózara almasýyn jeńil­detýge arnalǵan normalar, kon­vensııa jáne reglamenttegi normalarmen sáıkestendirý, sondaı-aq qaı­talanatyn sıpattaǵy nor­ma­lardy alyp tastaý qaras­tyryl­ǵan. Zań jobasyn qabyldaý halyqaralyq mindet­temelerge sáıkes kelýge múmkindik beredi jáne qarjylyq, quqyqtyq, eko­logııalyq ári áleý­mettik-ekono­mıkalyq saldarǵa ákelip soq­paıdy. Poshta baılanysy sala­syndaǵy halyqaralyq yntymaq­tas­tyqty qoldaý úshin qolaıly jaǵ­daılar jasaıdy, – dedi mınıstr.

Osydan keıin birqatar depýtat zań jobasy jóninde Asqar Jumaǵalıevke suraq qoıdy. Máselen, Tatıana Iаkovleva Qa­zaq­stan Dúnıejúzilik poshta odaǵyna jyl saıyn qansha jarna tóleıtinin jáne bul músheliktiń qandaı artyqshylyǵy baryn su­rady.

Bul saýalǵa jaýap bergen As­qar Jumaǵalıev músheliktiń jar­­nasy 46 myń Shveısarııa frankin quraıtynyn jáne bul eń tómengi tólem ekenin, osy mınımaldy tólemmen-aq uıymnyń barlyq negizgi qyzmetteriniń múmkindikterin paıdalanýǵa bolatynyn aıtty.

Jalpy otyrysta qaralǵan ekinshi másele «Qazaqstan Úki­meti men О́zbekstan Úkimeti ara­syndaǵy Zańsyz kóshi-qonǵa qarsy kúrestegi yntymaqtastyq týraly kelisimdi ratıfıkasııalaý týraly» zań jobasy boldy. Depýtattar nazaryna bul qu­jat týraly málimetti Ishki ister mınıstriniń birinshi orynbasary Marat Qojaev usyndy.

Onyń aıtýynsha, Kelisimge 2019 jyly sáýirde Tashkent qalasynda eki el syrtqy ister mınıstrleri qol qoıdy. Kelisimdi ratıfıkasııalaý kóshi-qon aǵyn­daryn retteý, azamattardyń máse­lelerin sheshý jáne zańsyz kóshi-qon jelilerin anyqtaý úshin qolaıly jaǵdaılar jasaıdy.

– Osy kelisim qos azamattyqqa jáne zańsyz kóshi-qonǵa qarsy kúres júrgizýde erekshe oryn alady, sondaı-aq ulttyq qaýipsizdikti qamtamasyz etýge baǵyttalǵan. Kelisimge sáıkes, О́zbekstan azamattarynyń tólqujattaryn joldaý tártibi rettelgen. Endi qandastarymyzdyń О́zbekstan elshiligine baryp, tólqujattaryn tapsyrýy jáne konsýldyq tólem tóleýi qajet bolmaıdy. Qazaq­stan Konstıtýsııasynyń 10-baby 3-tarmaǵyna sáıkes res­pýblıka azamatynyń basqa memlekettiń azamattyǵynda bolýy tanylmaıdy. О́zbekstan Res­pýblıkasy da qos azamattyqqa jol bermeıdi. О́zbek tarapy keli­simdi ratıfıkasııalaý tártibin aıaqtady. «Osy qujatty qabyldaý azamattyq máseleler boıynsha aqparatpen almasý, qos azamattyq jáne zańsyz kóshi-qonǵa qarsy kúreste týyndaǵan máselelerdi retteýge múmkindik beredi, – dedi Marat Qojaev.

Depýtattarǵa sóz berilgende májilismen Gennadıı Shıpovs­kıh bul qujat bizdiń elde shetel­dikterdiń zańsyz jumys isteýine tosqaýyl bolatynyn, Qazaqstan eńbek mıgranttary úshin tartymdy el ekenin, 2019 jyly 500 myńnan asa zańdy eńbek mıgranty kelgenin alǵa tartty. Osy rette baıandamashydan osyndaı kelisim qansha elmen jasalǵanyn surady.

Bul saýalǵa Ishki ister mınıstr­liginiń ókili 2014 jyldan beri osyndaı 14 kelisim ázirlengenin, sonyń ishinde Qyrǵyzstan, Tájik­stan, О́zbekstan, Belarýs sııaq­ty eldermen naqty qujat bekitil­genin, sonymen qatar bıyl Arme­nııamen arada tıisti qujatqa qol qoıý josparlanyp otyrǵanyn aıtyp, jaýap qatty.

 Koronavırýstyń elimizge enbeýin qatań qadaǵalaý qajet

Alqaly jıynnyń sońyna qaraı depýtattar eldiń áleý­met­tik, ekonomıkalyq, qaýipsizdik, mádenı, rýhanı máselelerine qa­tysty tıisti organdarǵa de­pýtattyq saýaldar joldady. Sonyń ishinde qazirgi tańda álem halqyn dúrliktirip otyrǵan Qytaıdaǵy epıdemıologııalyq ahýaldyń kúrdelenip kele jat­qany nazardan tys qalmady. Bul týraly Úkimet basshysy Asqar Mamınge Nur Otan fraksııasynyń depýtattary Quralaı Qaraken, Asqar Bazarbaev jáne Pavel Kazansevtiń birigip joldaǵan saýalynda aıtyldy.

Atalǵan saýaldy mazmundaǵan Quralaı Qaraken 29 qańtardaǵy derek boıynsha Qytaıda koronavırýsty juqtyrǵandar sany 5974-ke jetip, sonyń 132-si ajal qushqanyn alǵa tartty.

– Dúnıejúzilik densaýlyq saqtaý uıymy 28 qańtarda vırýstyń Qytaıda da, óńirlik jáne jahandyq deńgeıde de taralý qaýpiniń deńgeıin «óte joǵary» dep tanydy. Bul aýrýǵa dýshar bolǵan birli-jarym adam 15 elde kezdesti. Bizdiń elimizde jamanat vırýsty juqtyrǵandar anyqtalǵan joq. Memleket basshysy óz aýmaǵymyzdy jáne azamattardy koronavırýstyq ınfeksııadan qorǵaý jóninde naqty uıymdastyrý sharalaryn qabyldaýǵa tıisti tapsyrmalar berdi. Úkimet Qazaqstanda vırýstyń taralýyna jol bermeý úshin epıdemııaǵa qarsy profılaktıkalyq sharalar keshenin qolǵa alyp jatyr. Sonymen qatar kópshilikti koronavırýs juqtyrǵan pasıentterdi anyqtaýǵa medısınalyq uıym­dardyń ázirligi, dárilik zattar men medısınalyq quraldar qo­rynyń qanshalyqty jetkilikti ekeni, Qytaıdaǵy epısentrden stýdentterimizdi shyǵarý, Haınan ólkesindegi azamattarymyzdyń sany, olardyń otanyna ora­lýynyń merzimderi men sharttary týraly máseleler alańdatady, – dedi depýtat.

Quralaı Qaraken osyndaı shıelenisken shaqta áleýmettik jelilerde halyqtyń úreıin kúsheıtetin jalǵan aqparattyń taralýyna da mán berdi. Son­dyqtan bul saýalda tez arada sheshýdi qajet etetin Ýhan qala­syndaǵy ǵana emes, koronavırýs taralǵan Qytaıdyń basqa da qalalaryndaǵy Qazaqstan aza­mattaryn evakýasııalaý máse­lesin qaraý, Qazaqstannyń Bilim mınıstrligi QHR Bilim mınıstrligimen bizdiń stýdentterge demalys berý máselesin pysyqtaý, elge kelgennen keıin evakýasııalanǵan azamattardy medısınalyq baqylaý, ınfeksııa boıynsha shuǵyl habarlamalar taratý úshin ahýaldyq ortalyq qurý nemese qolda bar Koll-ortalyqty iske qosý sııaqty máseleler qamtyldy.

Sońǵy jańalyqtar

Basty aqparat (19.02.2020)

Vıdeo • Búgin, 18:52

Qyzylorda: Bıyl 10 iri joba júzege asady

Aımaqtar • Búgin, 18:52

Zańger kóp, kúzetshi joq

Qoǵam • Búgin, 17:49

Alysty jaqyndatatyn qurylǵy

Qoǵam • Búgin, 16:23

Qaıyrymdylyq – qasterli qasıet

Qoǵam • Búgin, 15:54

Almatydaǵy ıesiz jeliler qala balansyna beriledi

Ońtústik Qazaqstan • Búgin, 15:49

Almatyda 39 medısınalyq uıym ashylady

Medısına • Búgin, 15:31

Basylym basshylary - Nurlan ORAZALIN (1947)

Basylym basshylary • Búgin, 15:24

Memleket basshysy Dáýren Abaevty qabyldady

Prezıdent • Búgin, 15:08

Jaqsylyq júrek jylytady

Qazaqstan • Búgin, 15:07

Basylym basshylary - Ábish KEKILBAIULY (1939-2015)

Basylym basshylary • Búgin, 15:06

Mektep bitirýshi túlekter jol qurylysy salasymen tanysty

Ońtústik Qazaqstan • Búgin, 15:03

Jetistikke jetken jandardy dáripteıdi

Aımaqtar • Búgin, 12:42

Inklıýzıvti qoǵam qurý úshin...

Qoǵam • Búgin, 12:21

Erikti jastar erkin formatta pikir almasty

Ońtústik Qazaqstan • Búgin, 12:05

Almatyda qurylys qarqyndy júrip jatyr

Ońtústik Qazaqstan • Búgin, 11:33

Uqsas jańalyqtar