Qoǵam • 30 Qańtar, 2020

Ýnıversıtet jastary Volonter jylyna daıyn

31 retkórsetildi

L.N.Gýmılev atyndaǵy Eýrazııa ulttyq ýnıversıtetinde ENU Volunteers atty saltanatty is-shara ótti. 

Sharaǵa Parlament Májilisiniń depýtattary, memleket jáne qoǵam qaıratkerleri, Tanzanııa, AQSh, Fransııa, Qyrǵyzstan elderinen kelgen eriktiler, oqý ornynyń oqytýshylary, stýdentter qatysty. Uıymdastyrýshylardyń aıtýynsha, sharanyń negizgi maqsaty – Memleket basshysynyń ıdeıasyn qoldaý jáne ony nasıhattaý.

Ýnıversıtet rektory E.Sydyqov óz sózinde bıylǵy jyldyń jastar úshin mańyzdy ekenin aıtyp ótti. «Prezıdent Qasym-Jomart Toqaevtyń Jarlyǵymen 2020 jyl Volonter jyly dep jarııalandy. Bul – jastardyń bıik asýlardy baǵyndyratyn jyly, arman men senim, eńbek pen jaýapkershilik jyly! Volon­ter jyly – Jastar jylynyń jalǵasy. Bul – jastar úshin úlken múmkindik. Bıyl kóptegen joba iske asatyn jemisti, tabysty jyl bolady dep senemiz», dedi volonterlerdi quttyqtaǵan rektor.

Ýnıversıtette Volonter jylyna oraı ENU Volunteers jobasy qolǵa alynyp otyr. Joba «Jaqsy is», «Mádenı suhbat», «Qaıyrymdy orta», «О́risti óner», «Taza elorda», «Medıa alań» baǵyt­tary boıynsha jumys isteıdi. Ár baǵyt­tyń óz maqsaty, aýdıtorııasy, negizgi ıdeıany júzege asyrý úshin arnaıy sha­ralary bar. Máselen, «Jaqsy is» baǵyty boıynsha stýdentterdiń óz erkimen qalalyq senbilikterge shyǵýy, mektep oqýshylaryna semınarlar men sheberlik synyptaryn ótkizýi qarastyrylǵan. Sonymen qatar jalǵyzilikti qarttardyń úıine baryp úı sharýasyna kómektesý, emhanalarǵa alyp barý sııaqty aksııalar da josparlanǵan.

Joba aıasynda qaıyrymdylyq sharalarymen qatar, qala ómirine úles qosý da josparlanǵan. Stýdentter qoǵamdyq oryndarda buzylǵan belgilerdi, eskert­kish­terdi jaýaptylarǵa habarlap, qate ja­zylǵan ataýlardyń túzetilýin qadaǵalaı­tyn bolady.

Ýnıversıtet jastary mádenı sharalardy da esten shyǵarmaǵan. Jobanyń «Má­denı suhbat» baǵyty arqyly jastardyń qoǵamdaǵy ózekti taqyryptardy sahna­lyq qoıylymdarmen jetkizýin kózdeıdi. Bul «Shańyraq» stýdenttik teatrynyń quzyrynda.

Sonymen birge jıynda Aqparattyq tehnologııalar fakýltetiniń stýdenti, volonter Nursultan Ysmaǵulov, Jastar orta­­lyǵynyń belsendisi Altynaı Raýan­qyzy, AQSh-tan kelgen erikti Djeıkob Levıtan sóz sóılep, eriktiliktiń mańyzy týraly aıtyp, óz oqıǵalarymen bólisti. Osy oraıda N.Ysmaǵulovtyń byl­tyr órtten úsh balany qutqarǵanyn eske sala ketken jón. Beıbit kúnniń batyry ózin batyr sanamaıtynyn, sol oqıǵaǵa tap bolǵan kez kelgen azamattyń dál solaı isteıtinin aıtty.

EUÝ Áleýmettik jáne azamattyqty damytý departamentiniń dırektory R.Álqoja oqý ornynda arnaıy em alatyn múm­kindigi shekteýli, kómekke muqtaj bilim alýshylardyń bar ekenin aıtty. Osy oraıda aqyly em alatyn stýdentterge kó­mektesý josparlanǵanyn jetkizdi. Rús­tem Álqojanyń aıtýynsha, kómekke muq­taj, qalalyq ákimdik pen Qazaqstan musyl­mandar dinı basqarmasynyń tizimin­de turǵan kóp balaly otbasylarǵa da ýnı­ver­sıtettiń ujymy qoldaý kórsetýge daıyn.

 

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar