Rýhanııat • 30 Qańtar, 2020

Stıpendııa taǵaıyndaldy

48 retkórsetildi

Almatydaǵy Ál-Farabı atyndaǵy Qazaq ulttyq ýnı­ver­sıtetinde Qazaqstan Respýblıkasynyń Tuńǵysh Prezıdenti – Elbasynyń mádenıet salasy boıynsha 2019 jylǵy memlekettik stıpendııasyn tapsyrý rásimi ótti.

 

Qazaqstan Respýblıkasynyń Memlekettik hatshysy Qy­rymbek Kósherbaev stıpendııa ıe­gerlerin quttyqtaı otyryp, osy sharanyń máni men mańyz­dy­lyǵyna keńinen toqtaldy. «El­basynyń bul bastamasy – máde­nıet pen óner salasynda eńbek etip júrgen qaıratkerler men daryndy jastar úshin úlken qoldaý. Memleket tarapynan kórse­tilip otyrǵan osyndaı qam­qorlyqty sezingen azamattar qa­zaqstandyq mádenıettiń órken­deýine, qoǵamymyzdyń rýhanı turǵydan damýyna aldaǵy ýa­qyt­ta da zor úles qosatynyna se­nim­dimin», dedi Qyrymbek Eleýuly. 

Stıpendııa Memleket basshy­synyń tapsyrmasy boıynsha Qazaqstannyń ádebıet pen óner salasyndaǵy 75 qaıratkerine berildi.

Tuńǵysh Prezıdent – Elba­synyń stıpendııasy Ábdijámil Nurpeıisov, Qaırat Baıbosynov, Júrsin Ermanov, Merýert О́tekesheva, Aleksandr Garkaves, Gýlvıra Razıevalarǵa jáne basqa da qazaq ádebıeti men óne­riniń maıtalmandaryna tapsyryldy. Olardan bólek, Kann ha­lyqaralyq festıvaliniń laý­­reaty Samal Eslámova, aktrı­sa Aınur Rahıpova, balet ár­ti­si Baqtııar Adamjan, aqyn Qanat Omarov, dástúrli mýzyka óneriniń oryndaýshysy Medyǵat Manapov, kıno rejısseri Far­hat Sháripov jáne ózge de jas daryndarǵa memlekettik qoldaý kórsetildi.

Jyl saıyn taǵaıyndalatyn bul stıpendııa – memlekettiń mádenıet pen óner qaırat­ker­leri, shyǵarmashylyq qyzmet­kerleri jáne jas daryndar­ǵa jasaǵan qoldaýy men qamqor­lyǵynyń aıǵaǵy, olardyń Qazaq­­stannyń mádenıetin órken­detip, álemge tanytýǵa qosqan úles­terine kórsetilgen qurmet.

Sondaı-aq Memlekettik hatshy bıyl ótetin eki birdeı iri shara – uly oıshyl ál-Fara­bıdiń 1150 jyldyq jáne áıgili aqyn-aǵartýshy Abaı Qu­nan­baevtyń 175 jyldyq mereı­toılaryn joǵary deńgeıde ót­ki­zý qajettigin de tilge tıek etti.

 

ALMATY

 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar