Qoǵam • 30 Qańtar, 2020

Aldyn alý sharalary aıtyldy

134 retkórsetildi

Qaraǵandy oblysynda koronavırýstyń taralýynyń aldyn alý boıynsha óńirlik shtab quryldy. Ony oblys ákiminiń orynbasary Almas Aıdarov basqarady.

Shtab qorǵanys sharalaryn qabyl­­daı­tyn bolady jáne onda­ǵy­ jumystar oblys ákiminiń tike­leı baqylaýynda bolmaq. Sony­men qatar shekteýdi alyp tas­taǵanǵa deıin jaǵdaı týraly aq­parat árbir apparattyq keńeste tyńdalady.

Budan bólek, aldyńǵy kúni ken­shi­ler astanasynda «Koronavırýs ınfek­sııa­synyń kókeıkesti máse­leleri: zamanaýı aǵymnyń erek­she­likteri, dıagnostıka, farmakoterapııa» taqyrybynda oqytý semı­nary ótti. Bul shara ınfeksııa juqtyrdy-aý degen kúdikke ilin­gen naý­qas­tarmen jumys iste­ýi múmkin dárigerler úshin uıym­das­tyryldy.

Semınar barysynda oblystyq klı­­­nıkalyq aýrýhananyń ınfeksııa ortalyǵynyń dırektory Erjan Jú­ni­sov jýrnalısterge koronavırýs ınfeksııasyn juq­tyr­ǵan naýqastardy emdeýge medısına qyzmetteriniń qan­sha­lyqty daıyn ekenin jáne qaýiptiń aldyn alý sharalary týraly aıtyp berdi.

– Bizdiń medısınalyq jáne epı­de­mıo­logııalyq qyzmetter mun­daı jaǵdaı tirkele qalǵan jaǵ­daıda, oǵan saqadaı saı da­ıyn dep senimmen aıtýǵa bolady, – deıdi jaýapty maman.  

Iаǵnı, oblystyq klınıkalyq aýrýha­na­nyń ınfeksııalyq orta­ly­ǵynyń bazasy negizinde aýrýdy juqtyrýy múmkin naýqastar úshin qosymsha kereýetter men bokstar qo­ıylǵan. Dári-dármektiń de mol qory jınalǵan. Sonymen qatar sanı­tarlyq-epıdemıologııalyq jáne qaýiptiń aldyn alý sharalaryn, ınfeksııa juqtyrǵan naýqas bolsa, olardyń kelip-ketýin shekteý tártibin qatań qoldaný da qarastyrylypty. 

 

Qaraǵandy oblysy

 

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar