Shekaralyq aımaqta qaýip bar ma?

Oblys ákiminiń baspasóz qyz­meti taratqan derekke sáı­kes, qazir aýmaq­ta­ǵy baqylaý sha­ralary kúsheı­til­gen. Mem­leket­tik shekara jabyq. Al Qytaı­men saýda-sattyq baılanys jasaıtyn «Qorǵas» halyqaralyq shekara mańy ynty­maqtastyǵy ortalyǵynyń ju­­my­sy 15 aqpanǵa deıin toq­ta­tylǵan. Bul ortalyqqa qos taraptan kún saıyn 3 myń­nan 5 myńǵa deıin adam kirip-shyǵyp, saýda týrızminiń qyzmetin paıdalanatyn edi. Qaýip seıilmese, shekteý merzimi uzartylady.

Sondaı-aq, kórshi el shekarasyna jaqyn mańdaǵy aımaq turǵyndaryn juqpaly indettiń belgileri boıynsha tekserý jumystary basty nazarda tur.

Sońǵy kúnderi Almaty oblysynyń Panfılov aýdanynda ornalasqan «Nur joly» keden beketinen 20 jolaýshy Qazaqstan jaǵyna ótken. Olar negizinen Qytaıdyń Qul­ja men Gýanchjoý aıma­ǵy­­nan oralǵandar eken. Tek­se­rý kezinde 2 azamattyń de­ne qyzýy joǵary ekeni anyq­tal­ǵan. Arnaıy qurylǵy adam tempýratýrasynyń 37,5  eke­nin kórsetkesin, eki jolaý­shy da oqshaýlanǵan. Qazir ekeýi de Panfılov aýdandyq aýrý­hanasynyń ınfeksııalyq bóli­mi­ne jatqyzylǵan. Dári­ger­ler qajetti labo­ra­to­rııa­lyq zertteýler alǵan. Qan qu­ra­mynyń synamasy 3 kún ishinde daıyn bolady eken. Al olarmen bir avtobýsta bol­ǵan 19 adam da dárigerlerdiń baqy­laýy­na alyn­­ǵan.

– О́ńir turǵyndaryna koronavırýstan qaýip tóngen joq. Kúdik týǵany ras. Mamandar jedel tekserip, naýqastyń dıag­­no­zyn anyqtaýda. Al sheka­ra mańyndaǵy ár bekette oq­shaý­­laý bólmeleri ashyldy. Arna­ıy oryn tósek, jabdyq jáne basqa da qajet zattarmen jabdyqtaldy. Aýmaqtaǵy barlyq medısınalyq meke­me­le­ri qalypty jumys istep tur. Mamandar obaǵa qarsy arnaıy kostıým, qorǵanysqa qajet ke­rek-jaraqpen qamtamasyz etil­gen, – dedi bizge Almaty oblysy áki­miniń baspasóz hatshysy Ǵalymurat Júkel.

Almaty oblysy