Aımaqtar • 30 Qańtar, 2020

2020 jyly 5,2 mlrd teńgeni quraıtyn 5 joba iske qosylady

34 retkórsetildi

Bul týraly qoǵamdyq kommýnıkasııa ortalyǵynda ótken brıfıngte Mańǵystaý oblysy aýyl sharýashylyǵy basqarmasynyń basshysy Serik Qaldyǵul Syrymuly málimdedi.

«Aqtaý Agro» JShS-nyń Túpqaraǵan aýdanynyń 43 km aımaǵynan 120 adamdy jumyspen qamtıtyn qus fabrıkasy ashylady dep josparlanýda. Quny 4 mlrd teńgeni quraıtyn jobadan jylyna 5 myń tonna ónim alynbaq. Búgingi tańda qurylys jumystary aıaqtalyp, ıran, túrik, qytaı elinen ákelingen qural-jabdyqtaryn ornalastyrý jumystary júrgizilýde. 4 shaǵyn zaýyttan turatyn qus fabrıkasyna memleket tarapynan ınfroqurylym jasalǵan. Al, atalǵan qus fabrıkasyna Munaıly aýdanynan iske qosylatyn túıirshiktelgen qurama jem óndirý fabrıkasy ónim daıyndaıtyn bolady. Budan bólek osy jyldyń aqpan aıynda «Mańǵystaý qus» JShS Munaıly aýdanynda quny 5 mlrd teńgeni quraıtyn jumyrtqa óndiretin zaýyttyń qurylysyn bastamaqshy.

- О́ńirde sý tapshylyǵyna baılanysty jylyjaı keshenderin iske qosý ónimdiligi joǵary bolyp otyr. Osyǵan oraı, oblys kóleminde búginde 27 ga jylyjaı bolsa, olardy taǵy da kóbeıtý úshin ár qala aýdannan keminde bir ga jylyjaı qosý úshin jumystar atqarylýda. Memleket tarapynan beriletin kómekti tıimdi paıdalanyp, jumys isteımin degen azamattar bolsa, syrttan keletin ónim azaıar edi, - dedi Mańǵystaý oblysy aýyl sharýashylyǵy basqarmasynyń basshysy Serik Qaldyǵul.

2019 jyldyń qorytyndysy boıynsha aýyl, orman jáne balyq sharýashylyǵy sektorynda 20, 4 mlrd teńgeniń ónimi óndirilip, salanyń naqty kólem ındeksiniń 105,6 paıyzyn qurady. Búgingi tańda oblysymyzda mal sharýashylyǵynda 1444 sharýa qojalyq jumys isteıdi. 2019 jyly 37 brıgada arqyly 55,0 myń tonna shóp daıyndalǵan. 2014 jyldan beri oblys boıynsha sharýa qojalyqtaryna 300 qudyq qazylǵan. Búginde iri-qara mal bas sany kóbeıip keledi. Oǵan dálel, oblysqa byltyr respýblıka qarjysynan bólingen 6 paıyzben berilgen 1 mlrd. 530 mln. teńge 100 paıyz ıgerilgen. «Sybaǵa» baǵdarlamasy aıasynda mal bas sanyn kóbeıtýge 12 mln-ǵa deıin qarajat beriletin bolady. «Qaraǵan Túbek» JShS sútti baǵytta Almaty, Shymkent oblystarynan 150 arýana túıesin ákelip, halyq ıgiligine qyzmet etip jatyr. «Qarapaıym zattar ekonomıkasy» baǵdarlamasy aıasynda tórt túlik mal basyn kóbeıtý sharalary júrgizilýde.

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar