Aımaqtar • 30 Qańtar, 2020

Davosta DSU múshe elderdiń ınvestısııalyq múmkindikteri talqylandy

26 retkórsetildi

Apta basynda Davosta Dúnıejúzilik saýda uıymyna (DSU) negizgi múshe-elderdiń saýda mınıstrleri ınvestısııalarǵa járdemdesý salasyndaǵy jańa jahandyq erejeler boıynsha kelissózderdi iske qosýdy qoldady.

Bul bastamany 100-ge jýyq múshesi qoldaıdy jáne jańa kelisimniń mátinin qaraý Nur-Sultandaǵy DSU-nyń 12-shi mınıstrlik konferensııasynyń kún tártibindegi negizgi máselelerdiń biri bolýy ábden múmkin.

Qazaqstannyń Jenevadaǵy BUU bólimshesi men basqa da halyqaralyq uıymdar janyndaǵy Turaqty О́kili, Elshi J. Aıtjanova jalpy ustanymǵa qoldaý kórsetip, álemdik naryqtaǵy syn-qaterlerdi eńserý jáne ınvestorlar men bıznestiń senimin qalpyna keltirý úshin ınvestısııalarǵa qolaıly jahandyq retteýshi ortany qurý mańyzdy sheshim bolatynyn atap ótti. 12-shi mınıstrlik konferensııany qabyldaıtyn el retinde Qazaqstan jańa jahandyq erejelerdi kópjaqty deńgeıde talqylaýdy qoldaıdy.

Keshe DSU-ǵa múshe elder arnaıy otyrysta elektrondyq saýdany retteıtin jahandyq erejeler jónindegi progresti talqylady, sondaı-aq barlyq múshe elderdiń múddesinde osy saladan paıda alý múmkindigin atap ótti. Búgingi kúni kelissózderge DSU-ǵa múshe 82 el qatysýda.

Kelissózderge qatysqan Qazaqstan Respýblıkasy DSU-ǵa múshe elderdi ekonomıkalyq damý deńgeıine, sondaı-aq ınstıtýsıonaldyq jáne adamı áleýettiń qol jetimdiligine sáıkes kelisimniń túrli erejelerine elderdiń kezeń-kezeńimen qosylýyn qamtamasyz etetin ıkemdi tetikti qoldaný múmkindigin qarastyrýǵa shaqyrdy.

Bul turǵyda álemdik saýda men halyqaralyq saýdadaǵy elektrondy saýdanyń serpindi ósip kele jatqan rólin atap ótý qajet. Sonymen, Alibaba málimeti boıynsha bıyl elektrondy saýda arqyly transshekaralyq saýda 7 trln AQSh dollaryn qurady.

Sol kúni DSU-ǵa múshe negizgi elderdiń saýda mınıstrleriniń qatysýymen beıresmı kezdesý ótti, onda DSU-ny reformalaý, kelissóz kún tártibin ilgeriletý jáne Uıymǵa múshe barlyq elder úshin kópjaqty saýda júıesiniń ózektiligi men bedelin saqtaý ıdeıalary talqylandy.

Is-shara barysynda Turaqty ókil Aıtjanova DSU músheleri arasynda uıym qyzmetinde júıeli reformalar júrgizý qajettiligi týraly konsensýs bar ekenin atap ótti. Ol sondaı-aq kezdesýge qatysýshylarǵa daýlardy sheshý jónindegi DSU organynyń reformalary, kelissóz qyzmeti boıynsha negizgi tásilderdi qamtıtyn Jol kartasy boıynsha jumysty bastaýdy usyndy.

Budan basqa, Qazaqstan ókili DSU mınıstrlik konferensııasyna balyq aýlaýdy sýbsıdııalaý kelissózderi men qyzmetter saýdasyn ishki retteý jónindegi plıýrılateraldy kelisimniń tabysty aıaqtalýyna úmit bildirdi.  

Elektrondyq saýda, ınvestısııalarǵa járdemdesý jáne DSU-ny reformalaýǵa járdemdesý máseleleri 2020 jyly 8-11 maýsymda Nur-Sultanda josparlanǵan DSU-nyń 12-shi mınıstrlik konferensııasyna daıyndyq prosesi sheńberinde neǵurlym talqylanatyn bolady dep kútilýde.

Almaty

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar