Qazaqstan • 30 Qańtar, 2020

Almatyda maska jetkilikti

78 retkórsetildi

Almaty qalasynyń taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Aızat Moldaǵasymova qalada betperde jetkilikti ekenin aıtty.

Onyń aıtýynsha, qala vırýsqa qarsy preparattarmen qajetti kólemde qamtamasyz etilgen, sondyqtan oǵan qatysty dúrligýge negiz joq deıdi. «Meniń oıymsha, tapshylyq qoldan jasalyp jatyr. Múmkin baǵasyna keliskender bar shyǵar. Keıbir alypsatarlar betperdeni kóptep alyp, ony qymbat baǵaǵa satýy múmkin. Ony medısınalyq mekemeler de, dárihanalar da satyp almaǵan», — dedi A. Moldaǵasymova.

A. Moldaǵasymova dárihana men farmkompanııalardy qazirgi jaǵdaıdy paıdalanyp, halyqty ábigerge túsirmeýge, qoldan tapshylyq jasamaýǵa shaqyrdy. «Kásipkerlik salasynda tarıftik jáne baǵa boıynsha kelisim jasaǵandar jaýapkershilikke tartylatynyn eske salamyz. Qala basshylyǵy baǵa kelisimin jasaǵandarǵa qylmystyq jaýapkershilikten bastap, lısenzııany qaıtaryp alýǵa deıin barlyq tıisti sharalardy qoldanady», - deıdi ol.

Departament basshysy qalada qorǵanys maskasy jetkilikti ekenin, medısınalyq mekemelerde 2 mln-nan astam, al rezervte 1,3 mln birrettik betperde baryn aıtty. Sondaı-aq, 3 mln-nan astam betperde satyp alý úshin Densaýlyq saqtaý mınıstrligine ótinish bildirgen. Onyń aıtýynsha, qazir qalada bir adamǵa 20-25 maskadan keledi.

Aıta ketý kerek, Qytaı resmı túrde vırýstyń adamnan adamǵa juǵýy múmkin ekenin rastady. Sońǵy málimetterge sáıkes, Qytaıda indetten 131 adam kóz jumǵan, al álem boıynsha vırýsty juqtyrǵandar sany 6000-ǵa jetti. Sondaı-aq Qytaıda taraǵan pnevmanııa Taılandtan ózge, Ońtústik Koreıa men Japonııada tirkeldi.

Esterińizde bolsa, kúni keshe ǵana elimizdiń densaýlyq saqtaý mınıstrligi koronovırýsqa qarsy preparattardyń bar ekenin málimdegen edi. Ázirge el aýmaǵynda vırýsty juqtyrǵan jan joq.

Degenmen saq bolsaq – saqtanatynymyzdy umytpaıyqshy...

 

 

Almaty

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar