Álem • 30 Qańtar, 2020

Koronavırýs iPhone óndirisin toqtatýy múmkin

253 retkórsetildi

2019 jyldyń sońynda Qytaıda 2019-nCoV koronavırýsy shyǵyp, qazir ol epıdemııa túrinde tarap úlgerdi. Onyń kesiri osy elde shyǵatyn Apple kompanııasynyń ónimderine tıetin bolyp otyr.

Bloomberg kompanııasynyń resmı saıtynyń málimdeýine súıensek,  kórshi eldiń Chjenchjoý men Shanhaı qalalarynda shyǵatyn iPhone, iPad jáne Apple Watch brendteri óz ýaqytynda óndirilmeı qalýy ábden múmkin. Bul qalalardaǵy Foxconn men Pegatron kásiporyndary atyshýly Ýhan qalasynan nebary 500 shaqyrym qashyqtyqta ǵana ornalasqandyqtan olar karantınge jabylǵan.

Apple kompanııasynyń ónimderin jasaýmen 10 myńnan asa adam aınalyssa, olardy taratýmen mıllıondaǵan halyq jumyldyrylǵan. Qytaıdyń dástúrli óz jańa jylynda úlken qalalardaǵy syrttan kelip jumys isteıtin jumysshy qaýym qysqa merzimdi demalysqa úılerine ketken bolatyn. Endi olardyń keri qaıtyp, jumysqa kirisýlerine ýaqytsha tıym salyndy. Bul sharalardyń barlyǵy koronavırýstyń taralmaýy úshin jasalyp jatqany belgili. Qytaı Halyq Respýblıkasy Densaýlyq saqtaý jónindegi memlekettik komıtettiń málimetteri boıynsha atalǵan vırýsty juqtyrǵandar sany 5 myńnan asqan.

Mundaı sharalar jalǵasa beretin bolsa, onda iPhone 9 (SE 2) smartfonynyń bıylǵy jyldyń aqpan aıyna josparlanǵan jumys kestesi buzylyp, ýaqtysymen shyqpaı qalý yqtımaldylyǵy artyp tur. Epıdemııa órshýi shıkizatpen qamtamasyz etýden de qıyndyqtar týǵyzaıyn dep otyr.

Qaltasy qalyń emesterge arnalǵan bıýdjettik segmenttegi  iPhone 9 smartfony shyqpaı qalǵan jaǵdaıda amerıkandyq kompanııa óziniń Úndistan men basqadaı damýshy elderdegi tutynýshylarynan aıyrylaıyn dep tur. Apple óz ónimderiniń Qytaıdaǵy satylymy tómendep ketkendikten osyndaı arzandaý gadjet jasaý arqyly paıdasyn saqtap qalý úshin jantalasqan edi.

Degenmen de, qandaı aspan aınalyp, jerge túsetin jaǵdaı bolsa da amerıkandyq alyp kompanııa ózderiniń jumysynda eshqandaı aýytqýshylyq bolmaıdy dep sendirip otyr.

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar