Rýhanııat • 30 Qańtar, 2020

Býdapeshtte Abaı Qunanbaıulynyń 175 jyldyǵy atap ótildi

123 retkórsetildi

2020 jylǵy 29 qańtarda Býdapeshtte Qazaqstan Respýblıkasy Elshiliginiń Ulttyq akademııalyq kitaphanasy delegasııasynyń qatysýymen qazaq aqyny Abaı Qunanbaıulynyń 175 jyldyq mereıtoıyn merekeleý aıasynda dóńgelek ústel ótkizdi. Onda «Álem tanyǵan Abaı» kitap-ıllıýstratıvti kórmesi men «Abaı álemi» fotokórmesi uıymdastyryldy.   

Majarstan men Qazaqstannyń shyǵarmashylyq zııaly qaýymynyń, qoǵamdyq-saıası, ǵylymı jáne mádenı ortasynyń ókilderi, Qazaqstan Jazýshylar odaǵynyń tóraǵasy bastaǵan abaıtanýshylar, qazaq dıasporasy, sondaı-aq, qazaq tilin, mádenıeti men salt-dástúrin úırenip júrgen majarlyq stýdentter qatysqan is-shara Túrkitildes memleketter yntymaqtastyǵy keńesi О́kildiginiń ǵımaratynda ótti.   

О́z sózinde Elshi J.Ábdrashov Qazaqstan men Majarstan arasynda saıası-ekonomıkalyq qarym-qatynastar ǵana damyp qoımaı, sonymen qatar, mádenı-gýmanıtarlyq yntymaqtastyq ta qarqyndy ilgerilep kele jatqanyn aıtty.  

Majar tarapynan Majarstan Premer-Mınıstriniń keńesshisi, majarlyq Pen-Klýb prezıdenti G.Sıoch sóz alyp, álemdik mádenı muraǵa úlesin qosqan Abaıdyń eńbeginiń tereń pálsapalyq oılaryna toqtaldy. Sonymen qatar Qazaqstan men Majarstan arasynda ekijaqty mádenı-gýmanıtarlyq qarym-qatynastardyń damýyna joǵary baǵa berdi.   

Is-shara barysynda majar tilinde M.Áýezovtiń «Abaı joly» kitabynyń tusaýkeseri boldy.   

Is-sharadan keıin Býdapesht qalasynda ortalyq parktegi Astana kóshesinde Abaı Qunanbaıulynyń eskertkishine gúl shoǵyn qoıý rásimi boldy. Qazaq dıasporasy, sondaı-aq, qazaqstandyq jáne majarlyq stýdentter Abaıdyń óleńderi men qara sózderin oqyp, ánderin oryndady. 

1

2

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar