Aımaqtar • 30 Qańtar, 2020

Tarazdaǵy jańa mádenı nysandardy durys paıdalaný kerek

68 retkórsetildi

О́tken jyly Jambyl oblysynyń qurylǵanyna 80 jyl tolýyna oraı Taraz qalasynyń ortalyǵynan «Kóne Taraz» tarıhı-etnomádenı kesheni ashylǵan bolatyn.

Bul keshende birneshe mádenı nysandar ornalasqan. Atalǵan mádenı nysandardy tıimdi paıdalaný boıynsha Jambyl oblysynyń ákimi Asqar Myrzahmetov jıyn ótkizip, munda da birqatar máseleler talqylandy. Jıynda atalǵan keshendegi Sherhan Murtaza atyndaǵy «Rýhanııat jáne tarıhtaný» ortalyǵy, oblystyq tarıhı-ólketaný mýzeıi, kórkemsýret galereıasy, qolóner sheberleriniń ortalyǵy, kórme pavılondarynyń  aǵymdaǵy jylǵy josparlary saralanyp, olardyń shtattyq kesteleri qaraldy.

Asqar Myrzahmetov óz sózinde jańadan boı kótergen nysandardy bos turǵyzbaı, olardy maqsatty túrde durys paıdalanýdyń  mańyzdylyǵyna toqtaldy. Ol jerlerde ótetin sharalardyń taǵylymdyq mánine asa mán berýdi, naýqandyq emes kúndelikti jumystardy júrgizip otyrý kerektigin basa aıtty. Máselen, «Rýhanııat jáne tarıhtaný» ortalyǵynda rýhanı qundylyqtardy jınaqtaýdy, júıeleýdi jáne zertteýdi, ony nasıhattaýdy júıeli júzege asyrýdy atap ótti. Sonymen qatar, ákim kóne Tarazdyń tarıhyn zerdeleý jumystaryn júıeleı túsýge barynsha kóńil  bólip, óńirdiń tereńde jatqan qundylyqtaryn arshyp alýǵa túpkilikti bet burý kerektigin aıtty. Bul oraıda M.H.Dýlatı atyndaǵy Taraz memlekettik ýnıversıtetinen «Arheologııa» fakýltetin ashý josparlanyp otyrǵandyǵyn jetkizdi.

Taraz qalasyndaǵy jańa salynǵan mádenı nysandardy durys paıdalaný kerek. Basqosý barysynda tarıhı derekqor bazasyn qurý, ony únemi tolyqtyrý jumystaryn úılestirý, ol boıynsha aýdandardan usynystar jınaqtaý jaıy sóz boldy. Aıta keteıik, atalǵan mýzeı jańa nysanda qaıta ashylǵannan beri munda 89 myńnan asa adam tamashalaǵan.

Jıynda elimizde teńdesi joq kórkemsýret galereıasyn barynsha utymdy uqsatý jaıy da jan-jaqty qozǵaldy.

 

Jambyl oblysy

Sońǵy jańalyqtar

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar