Aımaqtar • 30 Qańtar, 2020

SQO-da qyzmettik ıtter 800-den artyq qylmysty ashýǵa kómektesti

32 retkórsetildi

Búgingi tańda SQO polısııasynyń kınologııalyq qyzmet ortalyǵynda 25 ıt bar. Byltyr olardyń kómegimen 800-den artyq qylmys ashylǵan.

Bul týraly kınologııalyq qyzmet ortalyǵy bastyǵynyń mindetin atqarýshy, polısııa kapıtany Aleksandr Anohın bylaı deıdi: «Kóp jaǵdaıda qyzmettik-izdestirý ıtteri múliktik qylmystardy ashýǵa kómektesedi. О́tken jyly jedel-izdestirý is-sharalary aıasynda qyzmettik-izdestirý ıtteri 1359 ret qoldanyldy. Olardyń kómegimen 869 qylmys, onyń ishinde 480 urlyq,                      28 tonaý, 5 qaraqshylyq ashyldy».

Qyzmettik ıtterdiń tórteýi iz kesýmen, taǵy tórteýi jarylǵysh zattardy tabýǵa úıretilgen eken. Esirtki izdestirýge beseýi «mamandanǵan», qalǵandary ıis boıynsha izdep tabýǵa mashyqtandyrylǵan.

2019 jyly SQO-da esirtki bıznesine qarsy is-qımyl jáne nashaqorlyqtyń aldyn alý jónindegi vedomstvoaralyq baǵdarlamasynyń sheńberinde qyzmettik ıtterdi sıntetıkalyq esirtkilerdi izdeýge úıretý qolǵa alyndy. Solardyń biri «Bella» atty labrador ótken jyly «spaıs» atty jasandy esirtki jasaýshy men taratýshyny ustaýǵa kómektesip, izshilderge úlken paıda kórsetken.  Ol ishki ister organdaryna eki jyl buryn ákelinip, barlyǵy 150 ret saparjaılar men «Qazposhta» bólimshelerindegi kezekshilikke, jedel-izdestirý is-sharalaryna tartylypty. Sonyń ishinde ol 10 esirtki qylmysyn ashýǵa járdem bergen. Petropavl qalasyndaǵy  jer úılerdiń birinde asa iri mólsherde jasyrynylǵan úsh túıinshek geroındy da ıispen tapqan sol. «Jer úıde júrgiziletin izdestirý jumysynyń ózindik erekshelikteri bar. Basty qıyndyq úıdegi janýarlardyń ıisi bolady, olar ıis alýǵa kedergi keltiredi. Atalǵan úıden budan basqa alkogoldiń ıisi de shyǵyp turǵan. Soǵan qaramaı Bella mindetin oıdaǵydaı atqardy, úırengen daǵdylary óz nátıjesin berdi», deıdi Bellamen jumys isteıtin polısııa leıtenanty Bolat Bekmaǵambetov.

Jalpy aıtqanda, 2019 jyly qyzmettik-izdestirý ıtteri 22 esirtki qylmysyn ashýǵa kómektesken. Olardyń qatysýymen 80 kg esirtki zaty, onyń ishinde 4,09 gr geroın, 6,02 gr sıntetıkalyq esirtki alynǵan.

 

Soltústik Qazaqstan oblysy

Sońǵy jańalyqtar

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar