Qoǵam • 30 Qańtar, 2020

80 myńnan astam otbasy AÁK taǵaıyndaýǵa qujat tapsyrdy

105 retkórsetildi

2020 jylǵy 28 qańtardaǵy jaǵdaı boıynsha ataýly áleýmettik kómek taǵaıyndaýǵa ótinish 80,5 myń otbasydan qabyldandy. Onyń quramyna 412,9 myń adam kiredi, onyń ishinde 265,6 myńy bala. Kópbalaly otbasylardyń úlesi 40,5 % nemese 32,6 myń otbasyn quraıdy. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

О́ńirler bólinisinde ótinishterdiń eń kóp sany Túrkistan oblysynda – 14,2 myń otbasy nemese 17,6%, Shymkent qalasynda – 11,1 myń otbasy nemese 13,8%, Almaty oblysynda – 9,6 myń otbasy nemese 11,9%, Jambyl oblysynda – 6,9 myń otbasy nemese 8,7%, Qyzylorda oblysynda – 5,9 myń otbasy nemese 7,4% qabyldandy.

О́ńirlerde 2,6 myńnan astam ýchaskelik komıssııa jumys isteıdi. Olar júrgizgen zertteý nátıjelerin eskere otyryp, AÁK 21,2 myń otbasyǵa nemese 103,8 myń adamǵa taǵaıyndaldy, onyń ishinde 38,4% - yn kópbalaly otbasylar quraıdy. AÁK taǵaıyndaýǵa ótinish bergen otbasylardyń materıaldyq jaǵdaıyn tekserý jumystary jalǵasýda.

О́ńirler bólinisinde eń kóp taǵaıyndaý sany Almaty oblysyna – 3070 otbasy nemese 14,5%, Shymkent qalasyna – 2920 otbasy nemese 13,8%, Jambyl oblysyna – 2271 otbasy nemese 10,7%, ShQO – 2024 otbasy nemese 9,5%-dan keledi.

Budan buryn habarlanǵandaı, Memleket basshysynyń 2 qyrkúıektegi Qazaqstan halqyna Joldaýynda aıtylǵan tapsyrmasy boıynsha AÁK taǵaıyndaý tetigi onyń aıqyndylyǵyn, ádildigin jáne eńbekke yntasyn qamtamasyz etý maqsatynda túzetildi. Memlekettik kómektiń jańa sharalary keshendi túrde iske asyrylýda jáne oǵan: kópbalaly otbasylardy qoldaý, jańǵyrtylǵan ataýly áleýmettik kómek, tabysy az otbasylaryndaǵy balalarǵa arnalǵan kepildik berilgen áleýmettik toptama kiredi.

Aǵymdaǵy jylǵy 1 qańtardan bastap Qazaqstanda 4 jáne odan da kóp kámeletke tolmaǵan nemese 23 jasqa deıingi kúndizgi oqý bóliminde oqıtyn stýdent balalary bar kópbalaly otbasylarǵa arnalǵan jańa memlekettik járdemaqy engizildi. Bul memlekettik járdemaqy otbasynyń tabysyna qaramastan 42 496 teńgeden 74 388 teńgege deıin saralanǵan mólsherde tólenedi. Osyndaı tólemdi aǵymdaǵy jylǵy qańtarda jalpy somasy 17,7 mlrd teńgege 367 myń otbasy aldy.

Tabysy az otbasylarǵa ataýly áleýmettik kómek kózdelgen. AÁK taǵaıyndaý úshin basty krıterıı – otbasynyń árbir múshesine jan basyna shaqqandaǵy ortasha tabysy óńirdiń eń tómengi kúnkóris deńgeıiniń 70%-ynan tómen bolýǵa tıis. Otbasynyń barlyq músheleri úshin AÁK mólsheri jan basyna shaqqandaǵy tabys pen kedeılik sheginiń arasyndaǵy aıyrma retinde aıqyndalady. AÁK ashyqtyǵyn qamtamasyz etý úshin ol toqsan saıyn taǵaıyndalatyn bolady, al otbasynyń materıaldyq jaǵdaıyna tekserý júrgizý merzimi 3 kúnnen 7 kúnge deıin ulǵaıtylady. AÁK taǵaıyndaý kezindegi mańyzdy talaptardyń biri jumysqa qabiletti otbasy músheleriniń jumyspen qamtýǵa járdemdesý sharalaryna mindetti túrde qatysýy bolyp tabylady. Jumyspen qamtýdy qamtamasyz etý úshin «Eńbek» memlekettik baǵdarlamasyn iske asyrý sheńberinde kópbalaly jáne tabysy az otbasylarǵa úıde jumys isteý úshin de, óz isin ashý úshin de keń múmkindikter beretin jańa tetikter kózdelgen.

Budan basqa, AÁK alatyn tabysy az otbasylardyń balalaryna kepildik berilgen áleýmettik toptama usynylatyn bolady. 1 jastan 6 jasqa deıingi balalar úshin áleýmettik toptamaǵa azyq-túlik jıyntyǵy men turmystyq hımııa taýarlarynyń jıyntyǵy kiredi. 6 jastan 18 jasqa deıingi balalar úshin mektepterde ystyq tamaq, oqý quraldary men mektep kıimderin berý kózdeledi. Sondaı-aq, osy sanattaǵy balalar úshin mektepke deıingi jol júrý shyǵyndary óteletin bolady. Medısınalyq, onyń ishinde stomatologııalyq kómek 18 jasqa deıingi balalarǵa tegin medısınalyq kómektiń kepildik berilgen kólemi jáne mindetti áleýmettik medısınalyq saqtandyrý sheńberinde kórsetiletin bolady.

Aıta ketý kerek, AÁK kórsetýdiń jańa tetikteriniń engizilýine baılanysty respýblıkalyq jáne jergilikti bıýdjetterden tabysy az jáne kópbalaly otbasylardy áleýmettik qoldaýǵa arnalǵan qarjylandyrý kólemi ulǵaıtyldy. 2020 jyly bul maqsatqa 326,9 mlrd teńge bólindi (respýblıkalyq bıýdjetten – 279,9 mlrd teńge, jergilikti bıýdjetten – 46,9 mlrd teńge). 2019 jyly AÁK tóleýge 244,2 mlrd teńge bólindi.

Jańa tásilderge sáıkes aqshalaı jáne zattaı túrdegi áleýmettik qoldaý mólsheri tabysy az jáne balalar sany kóp otbasylar úshin kóbirek bolady. Bul rette otbasynyń árbir múshesine AÁK tóleý somasy ortasha eseppen 10 myń teńgeni quraıdy, al tabysy joq otbasylarda áleýmettik kómek taǵaıyndaý úshin belgilengen krıterııden tolyq kólemde – óńirlik kúnkóris deńgeıiniń 70%-y. Osylaısha, tabysy az otbasylar, kópbalaly otbasylarǵa beriletin memlekettik járdemaqyny eseptemegende, ár balaǵa ortasha eseppen 20 myń teńge ataýly áleýmettik kómek alatyn bolady. Onyń 10 myńǵa jýyǵy – AÁK-tiń aqshalaı tólemi, 10 myńǵa jýyǵy – zattaı túrdegi kepildik berilgen áleýmettik toptama.

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Uqsas jańalyqtar