Qoǵam • 30 Qańtar, 2020

Qytaı vırýsynan qaza bolǵandar sany 170-ke jetti

43 retkórsetildi

Koronavırýstan qaza bolǵandardyń sany 170-ke jetti. Al Tıbette rastalǵan taǵy bir naýqaspen vırýstyń Qytaıdyń barlyq aımaǵyna taralǵany málim boldy.

Qytaıdyń densaýlyq saqtaý ókilderi 29 qańtarda elde jalpy 7711 vırýs juqtyrǵan jaǵdaı tirkelgenin aıtty. Sondaı-aq indet álemniń 16 eline taraǵan.

Halyqaralyq Densaýlyq saqtaý uıymy (WHO) búgin taǵy bir otyrys ótkizip, belgisiz vırýstyń jahandyq tótenshe jaǵdaı týǵyzý múmkindigin talqylaıdy.

Uıymnyń bas dırektory Tedros Adhan Gebreıesýs sońǵy kúnderi Germanııa, Vetnam, Japonııa sekildi keıbir elderde vırýstyń adamnan adamǵa juǵý jaǵdaılarynyń kóbeıýi alańdatatynyn jetkizgen edi. Onyń aıtýynsha, Qytaıdan ózge elderde indetke shaldyqqandar sany áli de az bolǵanymen, kóp adamnyń juqtyrý qaýpi bar.

Mamandar aýrýdyń arnaıy emi ne vaksınasy joq ekenin, degenmen vırýsty juqtyrǵandardyń sımptomdary asa aýyr emes jáne qolda bar múmkindiktermen emdelip ketetinin aıtyp otyr.  

Dese de vırýstyń jańa túri aýyr respıratorlyq ınfeksııaǵa ulasyp, ólimge alyp kelýi de múmkin.

Atıptik pnevmonııa men tumaýdyń uqsas vırýstary sııaqty bul koronavırýs ta egde adamdar men syrqatqa qarsy tura almaıtyn álsiz aǵzalar úshin asa qaýipti.

Indetten qaıtys bolǵandar men juqtyrǵandardyń kóbisi vırýs shyqqan Qytaıdyń Hýbeı provınsııasy men astanasy Ýhannyń turǵyndary. Osyǵan deıin Qytaı bıligi indettiń taralýyn boldyrmas úshin Ýhan qalasyndaǵy barlyq qozǵalysqa tyıym salǵanyn aıtqan edik.

 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar