Aımaqtar • 30 Qańtar, 2020

Aýqymdy saqtaný sharalary belgilendi

62 retkórsetildi

Qytaımen iskerlik qarym-qatnystardy damytýǵa keń jol asha bilgen respýblıka óńirleriniń biri – Aqtóbe. Qazirgi kezde oblys aýmaǵynda qytaılyq kompanııalar kómirsýtegi zatyn óndirý men jerasty qazba baılyqtaryn ıgerý salasynda qyzmet jasaıdy.

Bul turǵyda úlkendi-kishili qytaılyq óndirisshilerdiń jalpy sany 56 bolsa, atalǵan óndiristiń qurylymdarda 837 qytaılyq azamattar tirkelgen. Ári 2020 jyldyń 6 qańtarynan bastap, óńir aýmaǵyna kúnshyǵys elinen 821 adam kelgeni belgili bolyp otyr. Onyń denin negizinen qazaqstandyqtar quraıdy.

Koronavırýs ınfeksııasynyń taralyp ketpeýi úshin olardyń bári de qatań esepke alynyp, medısınalyq tekserýler júrgizildi dep habarlady gazet tilshisine Aqtóbe oblystyq densaýlyq saqtaý basqarmasynyń basshysy Áset Qalıev. Onyń aıtýynsha kórshi memlekette etek alǵan juqpaly aýrýdyń aldyn alyp odan saqtana bilý úshin barlyq sharalar atqarylyp keledi.

Dárigerler ár kún saıyn munaı-gaz sektory salasynda júrgen qytaılyq óndirisshilermen qarym-qatynasy bar jergilikti azamattarǵa da baqylaý jasaýdy nazarda ustaýdy maqsat etip otyr. Qaýipti vırýs ınfeksııasy baıqalǵan jaǵdaıda ony shuǵyl túrde oqshaýlaıtyn oryndar aldyn-ala belgilengen. Buǵan 160 kerýert qarastyrylǵan. Sonymen birge tumshaýlaıtyn maskalar men koronavırýspen aldyn-ala saqtanýǵa jáne aýrý belgisi baıqala qalǵan jaǵdaıda ony emdeýge qajetti qural-jabdyqtardyń jetkilikti qory jasaqtalǵan.

Oblysta Qytaı elinen taralyp otyrǵan qaýipti juqpaly dertten qorǵaný sharalaryn júrgizý úshin arnaıy shtab qurylǵan oǵan Aqtóbe oblysy ákimi orynbasary Marat Toǵjanov jetekshilik jasaıdy. Shtab quramyna Syrtqy ister mınıstrligi men ishki ister mınıstrlikterine qarasty mamandar men kóshi-qon salasynyń qyzmetkerleri, sanıtarlyq-epılemıologııalyq stansa men tótenshe jaǵdaılar qurylymdarynyń ókilderi jáne memlekettik shekara qyzmetkerleri engizilgen.

Búgingi kúni shtab músheleri keń aýqymdy saqtaný sharalaryn belgilep, onyń saqtalýy men júzege asyrylýyn jiti qadaǵalap otyr.

 

 

 AQTО́BE

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar