Aımaqtar • 30 Qańtar, 2020

Mas júrgizýshi qamaýǵa alyndy

95 retkórsetildi

Jańa jyldan beri jol júrý erejelerine ózgerister engizilip, júrgizýshilerge talap kúsheıgeni aıtylyp júr. Batys Qazaqstan oblysynyń Jańaqala aýdanynda osy zań talaby tuńǵysh ret qoldanylyp, jol erejesin óreskel buzǵan júrgizýshige qylmystyq is kóterilip, tergeý kezinde eki aıǵa qamaýǵa alyndy

- 2020 jylǵy 11 qańtardan bastap «Qylmystyq, qylmystyq-prosestik zańnamalardy jetildirý jáne adamnyń quqyqtaryn kúsheıtý máseleleri boıynsha Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly» jańa Zań kúshine endi. Bul zań alǵash ret Jańaqala aýdanynda qoldanyldy, - deıdi Batys Qazaqstan oblysy prokýrorynyń aǵa kómekshisi Baýyrjan Ahmetjan.

Jańaqala aýdandyq prokýratýrasy kólik júrgizý quqyǵy bolmasa da ony mas kúıinde basqaryp, jol-kólik apatyn jasaǵan T. degen azamatty tergeý kezinde 2 aıǵa qamaý týraly tergeýshiniń sanksııasyn qoldaǵan. Sóıtip, sot sheshimimen júgensiz júrgizýshi qamaýǵa alynypty.

BQO prokýratýrasy usynǵan málimetke qaraǵanda, jańaqalalyq júrgizýshi budan buryn da talaı márte kózge túsken: 2014 jylǵy 28 tamyzda «kólik quralyn masań kúıde basqarǵany» úshin kináli dep tanylyp, 5 jylǵa kólik quralyn basqarý quqyǵynan aırylǵan. 2018 jylǵy 16 qyrkúıekte ol taǵy da mas kúıinde jol-kólik oqıǵasyn jasap, sol úshin sottyń úkimimen 3 jylǵa kólik quralyn basqarý quqyǵynan aıyrylyp, 100 saǵatqa qoǵamdyq jumystarǵa tartylǵan. Alaıda, bul oqıǵalardan qorytyndy shyǵarmapty.

«2020 jyldyń 18 qańtarynda Jańaqala-Saıhyn tas jolynda T. jol júrý erejesin buzyp, avtokóligimen joldyń qarsy betine shyǵyp, azamat A.-nyń basqarýyndaǵy avtokólikpen soqtyǵysyp, ony búldirip, materıaldyq shyǵyn keltirilgen» delingen sońǵy derekte.

Qazir bul fakti boıynsha tergeý áreketi júrip jatyr.

Aıta keteıik, Qylmystyq kodekske ózgeris engizilmeı turyp mundaı qylmyskerdi qamalmaıtyn, sebebi mundaı qylmystardyń sanaty «qylmystyq teris qylyq» dep eseptelgen. Al endi ózgeristerden keıin bul «aýyr qylmys» dep dárejelenedi. Jáne kináli tulǵa kólik quralyn basqarý quqyǵynan ómir boıyna aıyrylady.

 

Batys Qazaqstan

Sońǵy jańalyqtar

Tasqynnyń búgingi ahýaly

Aımaqtar • Búgin, 15:42

Salehardtan kelgen sıklon

Aımaqtar • Búgin, 15:30

Elordada jalpy jaǵdaı turaqty

Koronavırýs • Búgin, 14:50

Fýtbol maýsymy jalǵasa ma?

Sport • Búgin, 14:48

Qyzylorda oblysynda qylmys azaıdy

Aımaqtar • Búgin, 11:49

Qostanaı qalasy jartylaı jaryqsyz qaldy

Aımaqtar • Búgin, 11:06

Karantındegi Qaraǵandynyń «qyzyqtary»

Aımaqtar • Búgin, 11:05

Álemdegi ahýal qandaı?

Koronavırýs • Búgin, 10:57

Onlaın formatta otbasylyq baıqaý ótti

Aımaqtar • Búgin, 10:37

Qytaı: Ýhanda karantın aıaqtaldy

Álem • Búgin, 10:08

Daýyl «dertimizdi» anyqtap berdi

Aımaqtar • Búgin, 10:02

Qyzylorda: Taǵy 3 adam tirkeldi

Aımaqtar • Búgin, 09:57

MMA: UFC-di synǵa aldy

Sport • Búgin, 09:20

Elimizde vırýs juqtyrǵandar sany 700-den asty

Koronavırýs • Búgin, 08:48

Uqsas jańalyqtar