Aıtýly jarystaǵy bes jekpe-jektiń tórteýi merziminen buryn aıaqtaldy. Atap aıtsaq, Aıdos Medet Ersultan Arynbekti birinshi raýndta eki ret nokdaýnǵa jibergennen keıin tóreshi kezdesýdi toqtatty.
Qanaǵat Manatuly men Tórehan Keńesov arasyndaǵy básekeniń de taǵdyry alǵashqy mınýttarda sheshildi. Qarsylasyn eki ret búıirden dál urǵan Qanaǵat aıqyn jeńiske qol jetkizdi.
Rahat Seıitjan men Talǵat Bertileýovtiń aıqasy uzaqqa sozylmady. Báseke bel ortaǵa jetpeı jatyp, Talǵat eki márte eseńgiredi. Tóreshi Rahattyń qolyn kóterdi.
Aqnıet Qazıevtiń jaraqat alýyna baılanysty Temirlan Qońyrbaı óziniń tusaýkeser kezdesýin jeńispen aıaqtady. Al Sabyrbek Ahmetov pen reseılik Evgenıı Tershýkovtyń tartysy upaı sanymen qazaq boksshysynyń paıdasyna sheshildi.
Osyndaı boks básekelerin uıymdastyrýdaǵy bizdiń basty maqsat – kásipqoı rıngte alǵashqy qadamdaryn jasap júrgen jastarǵa jol ashý. Solardyń arasynan daryndy jáne jalyndy jigitterdi iriktep alyp, keleshekte dúbirli dodalarǵa qosý, – deıdi Tukeshov Boxing Promotion kompanııasynyń basshysy Jalǵas Túkeshov.
