Rýhanııat • 30 Qańtar, 2020

Metın Gúndoǵdý: Biz ál-Farabıdiń kózqarasy men oılaryna áli de muqtajbyz

45 retkórsetildi

Bul kúnderdiń basty jańalyǵy – elimizde Ábý Nasyr ál-Farabıdiń 1150 jyldyǵynyń resmı ári saltanatty túrde bastaý alýy der edik.  

Sýretti túsirgen Marat JÚNISBEKOV (Marabeey)

Almatyda ál-Farabı atyndaǵy Qazaq ulttyq ýnıversıtetinde ál-Farabıdiń 1150 jyldyq mereıtoıy álemniń 40-tan asa elinen kelgen qonaqtardyń basyn qosqany aıan.  

Álemniń ár qıyrynan kelgen spıkerler qatarynda Túrkııa Respýblıkasy Uly ult­tyq májilisiniń depýtaty Metın Gúndoǵdý sóıledi.

– 870 jyly qazirgi Qazaqstan aýmaǵyndaǵy Otyrar qalasynda «Adamzattyń Ekinshi Ustazy» jáne «Shyǵystyń Arıstoteli» degen atpen belgili Ábý Nasyr Muhammed ıbn Tarhan ıbn Ýzlaǵ ál-Farabı at-Týrkı degen uly ǵalym, ensıklopedıst, Islam pálsapasynyń aldyńǵy qatardaǵy qaıratkeri týdy.

Búgin ál-Farabıdiń týǵanyna 1150 jyl tolýyn  Qazaqstan men BUU bolyp atap ótip jatyrmyz. Uly Ǵalym Batys pen Shyǵys arasynda ǵylymı ári rýhanı bir kópir. Ol bir uly mádenıettiń pálsapashysy jáne kúnimizde memleketter arasynda týyndap jatqan problemalardy sheshýde biz ál-Farabıdyń kózqarasy men oılaryna muqtajbyz. Ál-Farabı Túrki Álemi úshin óte mańyzdy Bilim Qaıratkeri bolýymen qatar bizdiń ortaq qundylyqtarymyzdyń ishindegi de qadiri erekshe bir esim.  О́mir súrgen aımaqtaryna qaraıtyn bolsaq, uly ǵalymnyń álem kartasyndaǵy mańyzy erekshe jaǵyrapııada asa bedeldi bolǵanyn baıqaýǵa bolady.

Ál-Farabıdyń Ystanbulda Murajaı-Úıiniń jáne Ystanbul Ýnıversıtetiniń quramynda Farabı zertteýleri Ortalyǵynyń ashylýy eki eldiń ıntegrasııasy úshin erekshe mańyzdy. Sol sebepti de 2020 Farabı jylynda biz Túrkııa Respýblıkasynyń resmı ókilderi retinde ál-Farabı atyndaǵy Qazaq Ulttyq Ýnıversıtetimen tize qosa otyryp, Ystanbul men Ankarada túrli is-sharalardy jasaýdy josparlaýdamyz.

Álemdik QS Ranking reıtingisi boıynsha 207-shi orynǵa ıe bolǵan, Túrki jáne Islam áleminiń eń úzdik ýnıversıteti bolyp tanylǵan oqý ordasynyń búkil álemge laıyqty deńgeıde tanytylýy úshin uly ál-Farabı atynda bolýy jáne «Ál-Farabı atyndaǵy Qazaq Ulttyq Ýnıversıteti» dep atanýy óte mańyzdy. Ál-Farabı atyndaǵy Qazaq Ulttyq Ýnıversıtetiniń jetken bul kórnekti jetistigi búkil Túrki Áleminiń ýnıversıtetteriniń uıymdasýy úshin bir jaqsy úlgi. Bul jetistikterińiz bizdiń tańǵaldyryp otyr. Sonymen qatar da qatty qýantady. Bul jetistik sóz joq Ýnıversıtet rektory akademık professor, doktor Ǵalymqaıyr Mutanovtyń jáne onyń komandasynyń eńbeginiń jemisi, – dedi Túrkııa Respýblıkasy Uly ult­tyq májilisiniń depýtaty Metın Gúndoǵdý.

Sońǵy jańalyqtar

Tarıhta qalǵan indetter

Tarıh • Búgin, 00:40

Uqsas jańalyqtar