Rýhanııat • 30 Qańtar, 2020

«Týǵan jer» baǵdarlamasy aıasynda 825 jańa nysan salyndy

59 retkórsetildi

Bul bastama aıasynda qolǵa alynǵan joba qazaqstandyqtardy týǵan ólkesin damytýǵa tartýdy, jergilikti jerlerdegi áleýmettik máselelerdi sheshýde memleket pen azamattyq qoǵamdy jumyldyrýdy maqsat etedi. Bul týraly Premer-Mınıstrdiń resmı aqparattyq resýrsy habarlady.

Ol qazirgi tańda eki baǵyt boıynsha júzege asyrylyp jatyr: ólketanýlyq qyzmet jáne mesenattyqty damytý. 

2019 jyly «Týǵan jer» baǵdarlamasy aıasynda respýblıka deńgeıinde 12 myńnan asa is-shara ótkizildi. Osy maqsatta jalpy kólemi 62 mlrd teńgeden astam qarajat qarastyrylǵan bolatyn. Sonyń ishinde 14 mlrd teńge memlekettik bıýdjetten jumsalsa, qalǵan 48 mlrd teńge demeýshiler men mesenattar qarajaty esebinen tartyldy.

Jalpy, 2017-2019 jyldary elimiz boıynsha 11 173 mesenat jáne 274 mlrd teńge kóleminde qarajat tartylǵan. Sonymen qatar 2019 jyly 825 jańa nysan salyndy jáne 547 nysan jańartyldy.

Mesenattardyń qoldaýymen mektepter, balabaqshalar, aýrýhanalar, emhanalar, mádenıet úıleri, sport nysandary t.b. salynǵan jáne jóndeýden ótkizilgen.

Máselen, qyrkúıek aıynda Qostanaı oblysynda mesenattardyń atsalysýymen mektep oqýshylarynyń jańa zamanaýı tehnologııalardy erkin ıgerýi úshin 3 IT-tehnologııa jáne robototehnıka kabıneti jasaqtaldy.

Qaraǵandy oblysy Stepnoe aýylynda mádenıet úıiniń ǵımaraty  demeýshiler esebinen jóndeýden ótkizilip, paıdalanýǵa berildi.

Aqmola oblysynda «Nur Astyq» JShS esebinen Myqtykól aýyldyq mektebiniń ǵımaraty jóndeýden ótkizildi. 

Soltústik Qazaqstan oblysynda «Daıyndyq Agro» JShS-nyń demeýshilik kómegimen Daıyndyq aýylynyń joldary 60 mln teńgege jóndeýden ótkizildi.

Aqtóbe oblysynyń Temir aýdanynda «Sát» sharýa qojalyǵy basshysynyń qoldaýymen Birlik aýylynda kópir salyndy. Almaty qalasynda demeýshiler men mesenattar qarajaty esebinen 1200 orynǵa arnalǵan mektep, 500 adamǵa arnalǵan emhana, «Jarys Arena» kesheni salyndy. Ortalyq mádenıet jáne demalys saıabaǵyn jóndeý jumystary aıaqtaldy.

Qyzylorda oblysynda demeýshiler men mesenattar qarajaty esebinen:  Shıeli aýdanynda sporttyq-saýyqtyrý kesheni qurylysyna qoldaý kórsetildi; Aqúıek jáne О́zgent aýyldyq okrýgterinde medısınalyq ambýlatorııalar qoldanysqa berildi; Qarmaqshy aýdanynyń Daýylkól aýyldyq okrýginde 80 orynǵa arnalǵan balabaqsha salyndy.

Mańǵystaý oblysynda demeýshiler men mesenattar qarajaty esebinen 500 orynǵa arnalǵan mádenıet úıi, 12 sport kesheni men 39 balalar oıyn alańy salyndy.

«О́lketanýlyq qyzmet» baǵyty boıynsha týǵan ólkeniń tarıhyn, tabıǵatyn, mádenıetin óskeleń urpaqtyń sanasyna sińirý maqsatymen 5-7 synyptardyń mektep baǵdarlamasyna «О́lketaný» oqý kýrsy engizildi. Jalpy bilim beretin orta mektepterde 1670 mektep mýzeıi , 2179 ólketaný úıirmesi jumys isteıdi. Olardyń jumysyna 46,9 myń bala, 93 oqýshylar saraıy, 4 jas natýralıst saraıy, 18 aýla klýby tartylǵan. 3 jyl ishinde (2017-2019 jyldary) 1 mln astam oqýshy qamtyldy.

Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar