Sport • 30 Qańtar, 2020

Fýtzaldan Qazaqstan quramasy Álem chempıonatynyń irikteý kezeńi qarsańynda baspasóz jıynyn ótkizdi

25 retkórsetildi

Búgin Qazaqstan fýtbol federasııasyn keńsesinde fýtzaldan Álem Chempıonatynyń elıtalyq kezeńi qarsańynda Qazaqstan quramasy bas bapkeri men oıynshylardyń qatysýymen baspasóz jıyny ótti. Bul jaıynda Mádenıet jáne Sport mınıstriliginiń saıty habarlaǵan.

Qazaqstan quramasynyń bas bapkeri Rıkardo Kaka, komanda kapıtany Dinmuhambet Súleımenov, qaqpashy Igıta jáne Qazaqstan fýtbol federasııasy Fýtzal departamentiniń dırektory Asqar Ábildaev báseke qarsańyndaǵy daıyndyq jumystary týraly aıtty.

Fýtzalshylardyń daıyndyǵyn pysyqtaı kele Rıkardo Kaka maqsat - topta birinshi orynmen aqtyq synǵa joldama alý ekenin jetkizdi.

«Quramanyń jaqsy daıyndalýy úshin federasııa basshylyǵy barlyq jaǵdaıdy jasady. Tek aýa-raıynyń qolaısyzdyǵyna baılanysty jospardan sál keshigip kelemiz. Degenmen aldaǵy kúnderi úlgeretinimiz anyq. Qarsylastardyń oıyn mánerin jan-jaqty zertteýge tyrystyq. Maqsat-bireý. Toptan shyǵyp, júldege talasý»,-dedi bas bapker.

Al komanda kapıtany Dinmuhambet Súleımenov barlyq oıynshylardyń básekege daıyn ekendikterin aıtty.
«Chehııadaǵy ýaqyt beldeýine beıimdelý úshin túnde de jattyǵý jasap jatyrmyz. Sondyqtan bul turǵydan eshqandaı qıyndyq bolmaýy tıis»,-dedi ol. 

Ulttyq qurama 23-31 qańtar aralyǵynda Nur-Sultanda oqý-jattyǵý jıynyn ótkizip, Chehııanyń Brno qalasyna attanady.

D tobyna túsken Qazaqstan quramasy 2 aqpanda Rýmynııa, 3 aqpanda Slovenııa, 5-i kúni Chehııamen oınaıdy.

Jalpy elıtalyq kezeńde 4 topqa bólingen 16 qurama joldamaǵa talasady. Sonymen qatar, topta ekinshi oryn alǵan quramalar ótpeli oıyndar ótkizip, taǵy 2 komanda fınaldyq kezeńge ótedi. Al fýtzaldan IX Álem chempıonatynyń fınaldyq kezeńin 12 qyrkúıek pen 4 qazan aralyǵynda Lıtva qabyldaıdy.

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar