Qoǵam • 30 Qańtar, 2020

Súıispenshilik jáne shyǵarmashylyq pedagogıkasy

753 retkórsetildi

3 aqpanda Qazaqstannyń barlyq bilim berý uıymdarynda «О́zin-ózi taný: Súıispenshilik jáne shyǵarmashylyq pedagogıkasy» respýblıkalyq onkúndigi bastaý alady.

Kóptegen jyl boıy onkúndikti ótkizý oqýshylar men pedagogtar jaqsy kóretin jáne kútetin ıgi dástúr, ózin-ózi taný olar úshin naǵyz mereke. 

Osy onkúndik qarsańynda «Bóbek» Ulttyq ǵylymı-praktıkalyq, bilim berý jáne saýyqtyrý ortalyǵynda «О́zin-ózi taný» rýhanı-adamgershilik bilim berý baǵdarlamasynyń avtory S. A. Nazarbaevanyń qyzmeti týraly «Meıirim tógetin ana» kitap kórmesi ashylady. Shara barysynda «Bul álem qandaı ǵajap», «Súıispenshilikke toly júrek», «Serdse napolnennoe Lıýbovıý» kórmelerinde bilim alýshylar men oqýshylar ózderiniń shyǵarmashylyq jumystaryn usynady. 

3 aqpanda «Bóbek» ortalyǵynyń qyzmetkerleri úshin «Súıispenshilik – ómir negizi» taqyrybyna sabaq ótkiziledi.

«Rýhanılyqtyń káýsar bulaǵy» shyǵarmashylyq festıvali sheńberinde «Úzdik avtorlyq óleń», «Úzdik óleń oqýshy», «Úzdik teatr qoıylym» jáne «Ánderdi úzdik oryndaý» atalymdary boıynsha konkýrstar ótkiziledi.

Is-sharaǵa «О́zin-ózi taný» balabaqshasynyń tárbıelenýshileri, «О́zin-ózi taný» gımnazııasynyń oqýshylary, ata-analar, «О́zin-ózi taný» gýmanıtarlyq kolledjiniń bilim alýshylary, Adamnyń úılesimdi damýy ınstıtýtynyń, Observatorııa jáne «Bóbek» ortalyǵynyń oqý-saýyqtyrý kesheniniń  qyzmetkerleri  qatysady.

Al 12 aqpanda Qazaqstan Respýblıkasynyń barlyq bilim berý uıymdarynda «Súıispenshilik – ómir negizi» jalpy respýblıkalyq sabaq ótkiziledi.

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar