Qazaqstan • 30 Qańtar, 2020

Senatorlar salyq sharalaryna qatysty kópjaqty konvensııany qarady

17 retkórsetildi

Parlament Senaty Qarjy jáne bıýdjet komıtetiniń keńeıtilgen otyrysynda «Salyqtyq bazany búrkemeleýge jáne paıdany salyq salý aıasynan alyp ketýge qarsy is-qımyl jasaý maqsatynda salyqtyq kelisimderge qatysty sharalardy oryndaý jónindegi kópjaqty konvensııany ratıfıkasııalaý týraly» zań jobasy qaraldy.

Salyqtyq bazany búrkemeleýge jáne paıdany salyq salý aıasynan alyp ketýge qarsy is-qımyl jasaý maqsatynda salyqtyq kelisimderge qatysty sharalardy oryndaý jónindegi kópjaqty konvensııanyń negizgi maqsaty qosarlanǵan salyq salýdy boldyrmaý týraly kelisimderde kózdelgen salyqtyq jeńildikterdi qoldanýdaǵy teris paıdalanýshylyqtarmen kúres bolyp tabylady. Kópjaqty konvensııa salyq tóleýden jaltarý maqsatynda paıdany salyǵy tómen ıýrısdıksııalarǵa aýystyrýǵa jol bermeýge baǵyttalǵan, bul kásipkerlik qyzmet is júzinde júzege asyrylatyn memlekette paıdaǵa salyq salýdy qamtamasyz etýdi bildiredi. Bul rette, osy Kópjaqty konvensııa QSSBK boıynsha áriptes memlekettiń árqaısysymen kelissózder júrgizbeı barlyq jasalǵan QSSBK-ǵa ózgerister engizetin kópjaqty qural bolyp tabylady.

Kópjaqty konvensııa tómendegideı standarttardy úılestirýdi kózdeıdi:

- barlyq jasalǵan QSSBK-da ortaq ıdeıany belgileý, soǵan sáıkes QSSBK-ny salyq salýdan jaltarý maqsatynda paıdalanýǵa bolmaıdy;

- qos rezıdenttigi bar tulǵalarǵa salyq salýdaǵy aıyrmashylyqtardy joıý;

- kelisimsharttardy bólip tastaý, agenttik, komıssııalyq kelisimderdi, belgili bir qyzmet túrlerine arnalǵan arnaıy erekshelikterdi paıdalaný esebinen turaqty ókildik mártebesinen jasandy jolmen jaltarýǵa jol bermeý;

- jyljymaıtyn múlik ornalasqan elde jyljymaıtyn múlikti janama satýdan túsetin tabysqa salyq salýdy qamtamasyz etý;

- daýlardy sheshýdiń tıimdiligin arttyrý.

«Kópjaqty konvensııa halyqaralyq salyq kelisimderiniń birqatar erejelerin tez ózgertýge jáne iri transulttyq korporasııalar úshin salyq salýdan jaltarý múmkindigin azaıtýǵa múmkindik beretin tetik bolyp tabylady. Atap aıtqanda, konvensııa elderge ulttyq fıskaldyq saıasatty júrgizýde ıkemdi bolý úshin kelisilgen eń az standarttardy belgili bir eskertpelermen qoldaný arqyly qazirgi halyqaralyq salyqtyq kelisimderge BEPS bastamasynyń negizgi erejelerin engizýdi kózdeıdi», - dedi senator Ǵumar Dúısembaev.

Onyń aıtýynsha, qazirgi kezde kópjaqty konvensııaǵa álemniń 93 eli qosyldy, 38 el ratıfıkasııalady.

Zań jobasy Palatanyń qaraýyna jiberildi.

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar