Aımaqtar • 30 Qańtar, 2020

Túrkistan oblysynda 1522 memlekettik qyzmetker jumystan bosatylǵan

353 retkórsetildi

Qyzmetkerlerdiń 865-i ishki konkýrstar arqyly basqa laýazymǵa taǵaıyndalýyna baılanysty, 50-i teris sebeptermen, basqa sebeptermen 284 maman jáne taza aýysymdylyq boıynsha 323 qyzmetshi jumystan bosatylǵan.

Bul derekterdi  Túrkistan oblysy О́ńirlik kommýnıkasııalar qyzmetinde Memlekettik qyzmet isteri agenttiginiń aýmaqtyq departament basshysy, Ádep jónindegi keńes tóraǵasy Bolat Isaqov jarııa etti. О́ńirdegi memlekettik qyzmetkerler sany 124 birlikke azaıǵan. Departament basshysynyń aıtýynsha, aımaqta 610 memlekettik organda 7061 memlekettik qyzmetker jumys isteıdi. Bos memlekettik laýazymǵa jarııalanǵan ishki konkýrsqa tómengi laýazymnan joǵary qyzmetke 525 maman taǵaıyndalyp, merıtokratııa deńgeıi 66,2% bolǵan.

О́tken jyly óńirde birneshe kezeńdi qamtyǵan irikteý nátıjesinde túrkistandyq 19 jas daryn Prezıdenttik jastar kadr rezerviniń quramyna alynǵan. Aldaǵy bes jyl ishinde olarǵa konkýrstan tys ýákiletti komıssııanyń qorytyndysymen basshy laýazymdarǵa taǵaıyndaý múmkindigi berilmek.

Al QR Prezıdentiniń janyndaǵy Memlekettik basqarý akademııasy oblystyq fılıalynyń dırektory Janat Momynqulovtyń aıtýynsha,  ótken jyly oblys ákimdigi jáne Memlekettik qyzmet isteri agenttigi departamentiniń qoldaýymen 1171 memlekettik qyzmetker biliktiligin arttyrý semınarlary men qaıta daıarlaý kýrstarynan ótken.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar