Qazaqstan • 30 Qańtar, 2020

Yntymaqtastyq týraly memorandýmǵa qol qoıyldy

27 retkórsetildi

Qazaqstan Respýblıkasy Parlamentiniń Senatynda Palata Tóraǵasynyń orynbasary Asqar Shákirovtiń tóraǵalyq etýimen Jergilikti ókildi organdar ózara is-qımyl jónindegi keńestiń kezekti otyrysy boldy. Júzdesýge Qazaqstan zańgerler odaǵynyń ókilderi qatysty. Bul jaıynda Parlament Senatynyń baspasóz qyzmeti habarlady.

Quqyqtyq bilimniń jurtshylyq arasyna keńinen taralýyna mańyz berý, atap aıtqanda, Memleket basshysynyń Qazaqstan halqyna Joldaýy men onyń saılaýaldy tuǵyrnamasynda, basqa da aýqymdy memlekettik baǵdarlamalarda kózdelgen ári elimizde júzege asyp jatqan reformalardyń mán-jaıyn kásibı túrde túsindirý otyrystyń kún tártibindegi negizgi másele boldy.

Otyrysqa qatysýshylar keıingi kezde qabyldanǵan zańdar, sondaı-aq qazirgi ýaqytta Parlamentte qaralyp jatqan zań jobalary turǵyndardyń tynys-tirshiligin, onyń ishinde áleýmettik jáne turǵyn úımen qamtamasyz etý, densaýlyq saqtaý, bilim berý, qoǵamdyq tártip salalaryn qamtıtynyn atap ótti. Depýtattar atap ótkendeı, bul turǵyda, ásirese, elimizdiń shalǵaı óńirlerinde quqyqtyq bilimdi qarqyndy qoldaný qajet bolyp otyr. Zań shyǵarý jáne quqyq qoldaný isine atsalysatyn memlekettik uıymdar qyzmetkerleriniń kásibı áleýetin arttyrýǵa járdemdesý qajettigi de aıtyldy.

Otyrysqa qatysýshylar osynda aıtylǵan máselelerge baılanysty aımaqtarda sharalar ótkizýde jergilikti ókildi organdarǵa járdemdesý bastamasyna qoldaý bildirdi.

Otyrystyń qorytyndysy boıynsha «Qazaqstan máslıhattary depýtattarynyń birlestigi» jáne «Qazaqstan zańgerleriniń odaǵy» respýblıkalyq qoǵamdyq birlestikteri arasyndaǵy yntymaqtastyq týraly memorandýmǵa qol qoıyldy. Qujat azamattardyń quqyqtyq mádenıetin qalyptastyrýǵa, halyq múddesin jetkizýde máslıhat depýtattary jumysynyń tıimdiligin kúsheıtýge jáne Parlament qabyldaǵan áleýmettik mańyzdy zańdardyń, sondaı-aq elimizdiń Strategııalyq damý baǵdarlamalarynyń negizgi erejelerin túsindirýde olardyń biliktiligin arttyrýǵa baǵyttalǵan. Qujatqa osy qoǵamdyq birlestikterdiń basshylary Tóleýbek Muqashev pen Serik Aqylbaı qol qoıdy.

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Uqsas jańalyqtar