Medısına • 30 Qańtar, 2020

Jalǵan aqparattarǵa senbeńizder

110 retkórsetildi

Búgin Densaýlyq saqtaý mınıstri Eljan Birtanov koronovırýsqa baılanysty brıfıng ótkizip, vırýstyń aldyn alý boıynsha elimizde atqarylyp jatqan sharalar men naýqastardyń kúıi týraly tyń aqparattarmen bólisti. 

Jýrnalıstermen júzdesken mınıstr álemde 7711 naýqas koronovırýsqa shaldyǵyp, onyń 170-i kóz jumǵanyn aıtty. Budan bólek qazirge deıin 17 memlekette 90 naýqas jańa vırýsty juqtyrǵany anyqtalǵan. Elimizde erekshe sanıtarlyq is-sharalar 6 qańtardan bastaldy. «Prezıdent tapsyrmasymen memlekettik deńgeıde arnaıy komıssııa quryldy, erekshe sharalar jospary bekitildi. Halyqty ınfeksııadan qorǵaý máselesi boıynsha QHR men Qazaqstan arasyndaǵy shekaranyń sanıtarlyq qorǵaýy kúsheıtildi. Barlyq kelip jatqan azamattar kúsheıtilgen sanıtarlyq tekserýden ótýde. Qazirgi ýaqytta memlekettik shekaradan 20 515 azamat ótti. Onyń 19 989-y Qazaqstan azamaty bolsa,  526-sy shetel azamaty. Sondaı-aq bul kisilerdiń barlyǵyn biz sanıtarlyq monıtorıngke alyp jatyrmyz. Qazirge deıin 78 paıyzy, ıaǵnı 15 738 adam tirkeýge alyndy. Olarmen jergilikti emhanalar tikeleı baılanysty», dedi Densaýlyq saqtaý mınıstri.

E.Birtanovtyń aıtýynsha, Qytaıdan kelgen azamattardyń 54-i dene qyzýynyń kóterilýine baılanysty aýrýhanalarǵa jetkizilgen. Kóbisine jedel respıratorlyq vırýstyq ınfeksııa (JRVI/ORVI) jáne tymaý dıagnozy qoıylǵan. 16 naýqas saýyǵyp, úılerine qaıtty. Qalǵan 38 naýqas áli de em qabyldap jatyr. Mınıstr olardyń barlyǵynan erekshe laboratorııalyq synamalar alynyp, Aıqymbaev atyndaǵy Ulttyq ınfeksııalyq ǵylymı ortalyǵyna jiberilgenin atap ótti.

«Búginde elimizde qajetti ınfeksııalyq stasıonarlar saqadaı saı. Qosymsha 10 myńnan asa tósek oryn daıyn. Emdeý úshin barlyq dári-dármekter bar. Dıagnostıkalyq algorıtm retteldi. Elimizde oqshaýlaý úshin ınfeksııalyq aýrýhanalar jelisi tolyq daıyndaldy. Onda bilikti dárigerler men meıirbıkeler jumys isteıdi. Bári bizdiń baqylaýymyzda.», dedi elimizdiń bas dárigeri.  

Qazaqstanda jyl saıyn 2 mln-ǵa jýyq maska qabyldanady eken. Onyń kóbisi medısınalyq uıymdarǵa arnalǵan. Mınıstr óz baıandamasynda shetelden qosymsha maska alý jumysy júrgizilip jatqanyn aıta kelip, jospar boıynsha maskalar barlyq medısına qyzmetkerlerine jáne halyqqa jetkilikti ekenin jetkizdi. «Bizde rezervte 5 mıllıon maska bar. Medısınalyq mekemeler tolyqtaı qamtamasyz etilgen», dedi vedomstvo basshysy.

Áleýmettik jeliler arqyly tarap jatqan jalǵan aqparattarǵa senbeýdi jáne ony taratpaýdy halyqtan ótingen Densaýlyq saqtaý mınıstri qazirge deıin elimizde birde-bir adam kornovırýsty juqtyrmaǵanyn basa aıtty.

Keı óńirlerde koronovırýspen naýqastar tirkeldi degen jalǵan aqparattar taraýda. Qazirgi ýaqytta elimizde birde-bir naýqas jańa vırýspen  tirkelmegenin aıtqan mınıstr: «Keshe men Dúnıejúzilik densaýlyq saqtaý uıymy basshysynyń orynbasarymen tikeleı sóılestim. Dúnıejúzilik Densaýlyq saqtaý uıymnyń basshysy D-r Tedros Adhanom Gebreıesýs keshe Beıjińnen Jenevaǵa qaıtyp keldi. Búgin koronavırýstyń órshýine baılanysty tótenshe Halyqaralyq densaýlyq saqtaý erejeleri komıtetiniń otyrysy ótedi. Komıtet Bas dırektorǵa epıdemııanyń ǵalamdyq alańdaýshylyq týdyratyn tótenshe jaǵdaı bolyp tabyla ma jáne oǵan qarsy qandaı usynystar jasaý kerektigi týraly konsýltatıvtik qorytyndy beredi», dedi.

Sońǵy jańalyqtar

Tasqynnyń búgingi ahýaly

Aımaqtar • Búgin, 15:42

Salehardtan kelgen sıklon

Aımaqtar • Búgin, 15:30

Elordada jalpy jaǵdaı turaqty

Koronavırýs • Búgin, 14:50

Fýtbol maýsymy jalǵasa ma?

Sport • Búgin, 14:48

Qyzylorda oblysynda qylmys azaıdy

Aımaqtar • Búgin, 11:49

Qostanaı qalasy jartylaı jaryqsyz qaldy

Aımaqtar • Búgin, 11:06

Karantındegi Qaraǵandynyń «qyzyqtary»

Aımaqtar • Búgin, 11:05

Álemdegi ahýal qandaı?

Koronavırýs • Búgin, 10:57

Onlaın formatta otbasylyq baıqaý ótti

Aımaqtar • Búgin, 10:37

Qytaı: Ýhanda karantın aıaqtaldy

Álem • Búgin, 10:08

Daýyl «dertimizdi» anyqtap berdi

Aımaqtar • Búgin, 10:02

Qyzylorda: Taǵy 3 adam tirkeldi

Aımaqtar • Búgin, 09:57

MMA: UFC-di synǵa aldy

Sport • Búgin, 09:20

Elimizde vırýs juqtyrǵandar sany 700-den asty

Koronavırýs • Búgin, 08:48

Uqsas jańalyqtar