Sport • 30 Qańtar, 2020

Taý shańǵysynan Iаnsındegi álem kýbogi keıinge shegerildi

11 retkórsetildi

Koronavırýs epıdemııasynyń taralýyna baılanysty halyqaralyq shańǵy federasııasy, Qytaı taý shańǵy qaýymdastyǵy men jergilikti Iаnsın qalasynyń uıymdastyrýshylary 15-16 aqpan kúnderine josparlanǵan taý shańǵysynan erler arasyndaǵy Audi FIS álem kýbogin keıinge shegergendi jón sanady. Bul jaıynda Ulttyq Olımpıadalyq komıteti habarlady.

«Jańa koronavırýs epıdemııasy shyqqannan beri HOK FIS, Halyqaralyq densaýlyq saqtaý uıymy men 2022 jylǵy Beıjıń uıymdastyrý komıteti, sondaı-aq Qytaı densaýlyq saqtaý uıymdarymen tyǵyz qarym qatynasta. О́kinishke qaraı, Iаnsın qalasyndaǵy álem kýbogin ótkizbeý týraly sheshim qabyldandy. Bul 2022 jylǵy Olımpıada oıyndaryna arnalǵan taý shańǵysynan alǵashqy testtik jarys bolatyn. 

Iаnsınde qaýip az bolǵanyna qaramastan, sportshylardyń densaýlyǵy men qatysýshylardyń amandyǵy basty nazarda. Sonymen qatar, sportshylar basqa nársege kóńil aýdarmaı, jańa ári qıyn jolǵa nazar salǵandary abzal. 16-20 qańtar aralyǵynda Iаnsındegi olımpıadaǵa arnalǵan jolda 14-shi Qytaı ulttyq  qysqy oıyndary sátti ótkizildi. Jergilikti dodaǵa tehnıkalyq sarapshylar men  FIS medısınalyq mamandary qatysyp, jańa joldyń jaǵdaıyna, jarystyń uıymdastyrylýyna baǵa berip ketti.

Áıelder arasyndaǵy Audi FIS álem kýbogi jyldamdyqpen túsý jáne sýpergıgant boıynsha testtik jarystar 2021 jyldyń naýryz aıyna josparlanǵan. Beıjıń qysqy Olımpıadasyna arnalǵan erler arasyndaǵy testtik básekeni uıymdastyrý úshin barlyq sharalar qoldanylady», delingen hatta.

Halyqaralyq Olımpıadalyq komıteti (HOK) álem kýboginiń keıinge shegerilgenin qoldap, sportshylardyń, qatysýshylardyń densaýlyǵy birinshi orynda ekenin atap ótti. Aıta keterligi, koronavırýs epıdemııasyna baılanysty Qytaıda bokstan Azııalyq kvalıfıkasııalyq týrnıri shegerilgen bolatyn.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar