Parlament • 30 Qańtar, 2020

Májilis depýtattary saılaýshylardyń ótinish-tilekterin Úkimet múshelerine jetkizdi

62 retkórsetildi

Búgin Májiliste Palata Tóraǵasynyń orynbasary Gúlmıra Isımbaevanyń tóraǵalyǵymen depýtattardyń qańtardaǵy óńirlerde kezdesý barysynda saılaýshylardyń kótergen máseleleri boıynsha Úkimet múshelerimen kezdesýi ótti. Bul týraly Parlament Májilisiniń baspasóz qyzmeti habarlady.

Gúlmıra Istaıbeqyzy atap ótkendeı, mundaı kezdesýler Parlament Májilisinde dástúrge aınalyp keledi. Elbasy Nursultan Ábishuly Nazarbaevtyń tapsyrmalaryna sáıkes bıylǵy jylǵy kezdesýler jańa formatta uıymdastyryldy.

Kezdesý ótkiziletini týraly buqaralyq aqparat quraldary arqyly, áleýmettik jeliler arqyly aldyn ala habar berildi. Nátıjesinde ótken jyldyń qańtardaǵy kezdesýlerimen salystyrǵanda, bıyl kezdesýler sany eki esege ulǵaıyp, qatysýshylar sany bir jarym esege kóbeıgen. Turǵyndar kótergen máselelerdiń ishinde eń kóbi áleýmettik salaǵa qatysty. Máselen, turǵyn úımen qamtamasyz etý, ataýly áleýmettik kómek alýǵa úmitker otbasylarǵa qoıylatyn ólshemsharttar, jastardy, ásirese aýyl jastaryn jumyspen qamtý, mindetti áleýmettik medısınalyq saqtandyrýdy engizý basqa suraqtar keńinen kóterilgen.

Kezdesýge osy taqyryptar tóńireginde máselelerge jaýapty memlekettik organ ókilderi keldi. Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaevtyń jáne Memleket basshysy Qasym-Jomart Kemeluly Toqaevtyń tapsyrmalary sheńberinde Parlament qabyldaǵan zańdardyń iske asyrylý barysy týraly sóz alǵan Premer-Mınıstrdiń Orynbasary Berdibek Saparbaev 2019 jyly ekonomıkanyń damý qarqyny ótken 2018 jylmen salystyrǵanda 4,5 paıyzdy quraǵanyn aıtty. Qazaqstannyń tarıhynda byltyrǵy jyly birinshi ret 13 mıllıon sharshy metr turǵyn úı berilip, 95 myń jerlesterimiz turǵyn úımen qamtamasyz etildi.

О́tken jyly eń tómengi jalaqy 1,5 esege, al memlekettik qyzmetkerlerdiń jalaqysy orta eseppen 30 paıyzǵa ósti. Qazaqstandyqtardyń qaryzdary men aıyppuldaryn keshirý úshin bıýdjetten qosymsha 147 mıllıard teńge bólingen. Odan ári Berdibek Saparbaev áleýmettik tólemderge de keńinen toqtaldy. Depýtattar óńirlerdi turǵyndar kóteregn máselelerdi Úkimet músheleriniń nazaryna usyndy. Máselen, depýtat Baqytgúl Hamenova 2,4 mıllıard teńgeni quraǵan ataýly áleýmettik kómektiń artyq tólemi týraly qozǵady, Bul óz kezeginde jalpy eldi mekenderdegi áleýmettik shıeleniske alyp kelýi ábden yqtımal deı kelip, artyq tólengen somalardy qaıtarý máselesinde qandaı sharalar qabyldanyp jatqanyn surady.

О́z kezeginde Úkimet jetekshisiniń orynbasary biz barlyǵyn tekserdik. 75 myń otbasy óziniń tabystaryn jasyrǵan. Qazirgi tańda biz 500 mıllıondaı teńgeni bıýdjetke qaıtardyq,-dedi. Al, depýtat Fahrıddın Qarataev Eńbek jáne halyqty áleýmettik qorǵaý mınıstri Birjan Nurymbetovke bir, eki, úsh balalary bar otbasylarǵa aı saıyn áleýmettik tólemder tóleý nemese qandaı da bir kómek kórsetý jospary bar ma degen suraqty alǵa tartqanda, mınıstr: bizdiń de kezdesýlerde halyq bul suraqty qoıyp jatyr. Biz ataýly áleýmettik kómekke emes kópbalaly januıalarǵa jańadan járdemaqy engizdik. Qazir 370 myń januıa alyp jatyr. sonyń ishinde az qamtylǵany – 125 myń januıa. Úsh ese artyq. Bir, eki, úsh balaly az qamtylǵan januıalardyń sany 190 myń, al Qazaqstan boıynsha 2 mıllıon 904 tabyssyz januıa, bir, eki, úsh balasy bar. Bul 15 ese kóp. Sondyqtan ol 15 ese artyq qarajatty talap etedi. Ekinshiden, basqa dáýletti, jaǵdaıy jaqsy kisilerge de osy járdemaqyny tóleý kerek pe, joq pa – ol da úlken suraq. Sondyqtan biz ázir eshqandaı sheshimge kelgen joqpyz, biraq onyń bárin qarap jatyrmyz, dedi. Odan ári depýtattar zeınetaqy tólemi, saıajaı turǵyndarynyń máselesi, turǵyn úımen qamtamasyz etý, jaǵdaıy tómen otbasylarǵa kómektesýge qatysty kóptegen suraqtardy kóterdi.

Kezdesýge Eńbek jáne halyqty áleýmettik qorǵaý mınıstri Birjan Nurymbetov, Bilim jáne ǵylym vıse-mınıstri Sholpan Karınova, Densaýlyq saqtaý vıse-mınıstri Lázzat Aqtaeva, Mádenıet jáne sport vıse-mınıstri Nurǵısa Dáýeshov, Aqparat jáne qoǵamdyq damý vıse-mınıstri Ǵabıdolla Ospanqulov, Premer-Mınıstri Keńsesi Basshysynyń orynbasary Ermek Amanshaev, Indýstrııa jáne ınfraqurylymdyq damý birinshi vıse-mınıstri Qaıyrbek О́skenbaev, Qarjy vıse-mınıstri Tatıana Saveleva, Energetıka vıse-mınıstri Jumabaı Qaraǵaev, Ekologııa, geologııa jáne tabıǵı resýrstar vıse-mınıstri Ahmetjan Pirimqulov jáne Sıfrlyq damý, ınnovasııalar jáne aeroǵarysh ónerkásibi vıse-mınıstri Azamat Batyrqoja qatysyp, tesili suraqtarǵa jaýap berdi.

Jalpy mejeli ýaqyt ishinde 20-dan astam depýtat 50 ge jýyq suraq qoıyp úlgerdi.

Sońǵy jańalyqtar

Infeksııany qaıdan juqtyrǵany belgisiz

Aımaqtar • Búgin, 16:10

Pálsapa – Bekzat sana

Qazaqstan • Búgin, 15:46

Taldyqorǵannan Taıynshaǵa deıin...

Qazaqstan • Búgin, 14:55

Tegeýrini temirdeı Temirbaev

Qazaqstan • Búgin, 14:26

Karantınde shyrqalǵan ánuran

Qazaqstan • Búgin, 13:16

Samaradan kelgen 57 stýdent baqylaýda

Aımaqtar • Búgin, 12:30

Oralman qasqyr (etnografııalyq áńgime)

Qazaqstan • Búgin, 12:23

COVID-19 – Qazaqstanǵa jańa synaq

Koronavırýs • Búgin, 11:59

Qazaly aýdany karantınge jabyldy

Aımaqtar • Búgin, 11:53

Qytaı aza tutý kúnin jarııalady

Álem • Búgin, 11:49

Áskerı jıynǵa kimder barmaıdy?

Qazaqstan • Búgin, 11:36

El ishindegi ilkimdi is

Aımaqtar • Búgin, 10:55

Aqmolanyń jastarynda janashyrlyq mol

Aımaqtar • Búgin, 10:37

Saqtanǵan adam saý júrer

Qoǵam • Búgin, 10:32

Uqsas jańalyqtar