Saıasat • 30 Qańtar, 2020

Asqar Mamın Belarýs pen Moldovanyń úkimet basshylarymen kezdesti

127 retkórsetildi

Premer-Mınıstr Asqar Mamın Eýrazııalyq úkimetaralyq keńestiń (EÚAK) otyrysyna jáne «Digital Almaty» forýmyna qatysý úshin Almaty qalasyna kelgen Belarýs Premer-Mınıstri Sergeı Rýmaspen jáne Moldova Premer-Mınıstri Ion Kıkýmen ekijaqty kezdesýler ótkizdi. Bul týraly Premer-Mınıstrdiń baspasóz qyzmeti habarlady.

Belarýs Premer-Mınıstri S. Rýmaspen kezdesýde ınvestısııalyq, ındýstrııalyq, agroónerkásiptik, energetıkalyq, tranzıttik-kóliktik, áskerı-tehnıka salalaryndaǵy, sondaı-aq ıntegrasııalyq birlestikter aıasyndaǵy ekijaqty yntymaqtastyq máseleleri qaraldy. 

«Búginde Qazaqstan men Belarýs arasyndaǵy qarym-qatynastar ekijaqty jáne kópjaqty ózara is-qımyldyń tabysty ári tıimdi úlgisin kórsetedi. Bizdiń elderimizdiń arasynda qarqyndy saıası dıalog ornatylǵan, tereń ekonomıkalyq baılanystar qalyptasqan, yntymaqtastyqtyń barlyq salalarynda ózara is-qımyl tıimdi damyp jatyr», — dedi A. Mamın.

Elder ónerkásiptik kooperasııa salasyndaǵy birlesken jobalardy tabysty júzege asyryp jatyr. Olardyń ishinde — «QazBelAz» BK bazasynda «BelAz» karerlik tehnıkasyn qurastyrý, «AgromashHoldıng» bazasynda kombaın jáne «Hyundai Trans Auto» JShS bazasynda «MAZ» avtotehnıkasyn shyǵarý, sondaı-aq «Alataý» lıft jasaý kompanııasy» bazasyndaǵy lıftiler óndirisi.

Premer-Mınıstr óndiristik kooperasııany keńeıtýge jáne Qazaqstan aýmaǵynda birlesken óndiristerdi jergiliktendirý deńgeıin arttyrýǵa qyzyǵýshylyqtyń bar ekenin jetkizdi.

Moldova Premer-Mınıstri I. Kıkýmen kezdesý barysynda ekijaqty ekonomıkalyq yntymaqtastyq pen EAEO formatyndaǵy ózara is-qımyldyń perspektıvalary talqylandy.

«Bizdiń elder arasynda senimdi ári ashyq saıası dıalog ornaǵan, saýda-ekonomıkalyq ózara is-qımyl men mádenı-gýmanıtarlyq baılanystar nyǵaıa túsýde. Ár túrli aımaqtyq alańdarda bizdiń memleketter basshylarynyń kezdesýleriniń turaqty túrde ótýi Qazaqstan – Moldova yntymaqtastyǵyn nyǵaıtýǵa ózara múddeliliktiń bar ekeniniń aıǵaǵy», — dedi A. Mamın.

Qazaqstanda moldavandyq qatysýymen 70-ke jýyq zańdy tulǵalar, bólimsheler men ókildikter jumys isteıdi.

Premer-Mınıstr Qazaqstannyń Moldovamen saýda-ekonomıkalyq, ınvestısııalyq, agroónerkásip jáne basqa da salalardaǵy yntymaqtastyqty damytýy úshin eleýli áleýettiń bar ekenin atap ótti. 

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar