Qoǵam • 31 Qańtar, 2020

Baıqaý nátıjesi qashan shyǵady?

29 retkórsetildi

Redaksııamyzǵa jas ǵalymdar habarlasyp, aldaǵy jumys­taryn josparlaý úshin byltyr jarııalanǵan Jas ǵalymdardyń jobalaryna arnalǵan baıqaý nátıjesin asyǵa kútip, 2019 jyldyń aıaǵynda shyǵýy tıis qorytyndynyń keshigý sebebin bile almaı júrgenin jetkizdi. Osy másele boıynsha tıisti vedomstvoǵa habarlastyq.

Bilim jáne ǵylym mı­nıstr­­­liginiń bizge bergen aq­pa­rattaryna qaraǵanda, baı­qaý qo­rytyndysy al­daǵy aq­pan aıyn­da belgili bol­maq.­ Ve­domstvo nátıjeniń keshigý se­be­bin jumystardyń Ulttyq ǵy­lymı keńeste jiti qaralyp jat­­qanymen túsindirdi. О́ıtkeni Ult­tyq memlekettik ǵylymı-teh­nıkalyq saraptama ortalyǵy baı­qaý talabyndaǵy shekti baldy­ jınaǵan ótinimderdi iriktep, 2019 jyldyń 30 jeltoq­sanynda Ult­tyq ǵylymı keńestiń qa­ra­­ýy­na­ joldaǵan. Ǵylym komı­teti­niń deregi boıysha, 27 shilde men 22 tamyz aralyǵynda 1376 óti­nim kelip túsken. Joba­lyq jumys­tardyń 264-i shekti ball jınaı almaǵandyqtan keri qaı­tarylǵan.

Ǵalymdardyń alańdaýshy­lyǵyn da tú­sinýge bolady, sebebi olardyń jumysy ǵana emes, kúndelikti kúnkórisi de osyndaı granttyq jobalarǵa bólinetin qarjylyq qoldaýlarǵa táýeldi.

Esterińizge sala keteıik, El­ba­synyń bastamasymen Jas­­tar jy­lynda Jas ǵalym­dardyń jo­balaryna 3 mlrd teńge bó­lin­gen edi. Sonyń negizinde jas ǵalymdar arasynda­ grant­tyq baıqaý jarııalandy. Bul 2020-2022 jyldarǵa arnal­ǵan ǵylymı nemese ǵylymı-teh­­nıkalyq jobalar boıynsha­ jas ǵalymdardy granttyq qar­jy­landyrýǵa baǵyttalǵan. Ǵylym komıteti ótkizip otyr­ǵan baıqaýda gýmanıtarlyq ǵy­­­lymdar salasyndaǵy irgeli jáne qoldanbaly zertteýler; Ener­getıka jáne mashına jasaý; Tabıǵı, onyń ishinde sý resýrstaryn tıimdi paıdalaný, geologııa, qaıta óńdeý, jańa materıaldar men tehnologııalar, qaýipsiz buıym­dar men qurylymdar; О́mir jáne densaýlyq týraly ǵy­lymdar; Aqparattyq, tele­kom­mýnıkasııalyq jáne ǵa­rysh­tyq tehnologııalar, ja­­­ra­tylystaný ǵylymdary sa­la­syndaǵy ǵylymı-zertteý­ler;­ Agroónerkásip kesheni­niń tu­raqty damýy jáne aýyl­­­sha­rýashylyq óniminiń qaýip­siz­di­gi; Ulttyq qaýipsizdik jáne qor­ǵanys baǵyttary boıynsha jo­balar qaralyp jatyr. Taǵy bir aýyz tolty­ryp aıtatyny, óti­nim osy baı­qaýda burynǵydaı qaǵaz tú­rinde emes, onlaın tár­tibimen berildi. Iаǵnı, joba je­tekshisi jáne ótinim berýshiniń elektrondy sıfrly qolymen ras­talǵan konkýrstyq ótinimder Ǵylym komıtetine elektrondy túrde «Ulttyq memlekettik ǵylymı-tehnıkalyq saraptama ortalyǵy» aksıonerlik qoǵamynyń aqparattyq júıesi arqyly júrgizildi. Al ótinim qabyldaý 2019 jyldyń 12 tamyzynda toqtatylǵan edi.

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Týrızm – tabys kózi

Parlament • Búgin, 06:53

Qıyrdaǵy qaıyrymdy qazaq

Qoǵam • Búgin, 06:45

Uqsas jańalyqtar