Aımaqtar • 31 Qańtar, 2020

Jarqyn jobalar

36 retkórsetildi

Aqtóbe oblysynda bıylǵy Volonter jylyna arnalǵan jobalar men is-sharalardyń tusaý kesý rásimi ótkizildi. Prezıdent Qasym-Jomart Toqaev atalǵan jyl aıasynda «Birgemiz» atty tujyrymdamany bekitkeni belgili. Ony osy kezeńde atqarylatyn jan-jaqty jumystardyń basty temirqazyǵy dese de bolady.

Tujyrymdama negizinde jeti baǵyt boıynsha jalpy ulttyq jobalar júzege asy­rylmaq. Aqtóbe oblystyq jas­­tar saıasaty máseleleri bas­­qarmasynyń basshysy Meı­rambek Mahambetov osy­ǵan oraı óńirde «Bilim», «Sabaq­tastyq», «Taza Qazaqstan», «Asyl murat», «Qamqor» jáne «Úmit» atty baǵyttarǵa ba­symdyq berilgenin aıtyp berdi. Onyń málimdeýinshe, bul erik­tiler qozǵalysyn aımaqta ke­ńinen óristetýdiń basty bir joly bolmaq.

Qazirgi kezde oblysta qura­mynda 1500-den astam múshesi bar 36 volonterler toby qyzmet jasaıdy. Olardyń 17-si Aqtóbe qalasynda belsendi is-qımyl tanytyp júrse, 17-si oblys aýdandarynda sabaqtastyqtyń já­ne jańashyldyq pen jasam­pazdyqtyń úlgisin kórsetýde. Bul rette Aqtóbe aımaǵynda resmı túrde tirkelgen volonterler toptary biraz jyldar­dan beri óz jumystaryn tu­raqty túrde júrgizip keledi. Olardyń alǵa qoıǵan basty maqsaty muqtaj jandarǵa rýhanı turǵydan jáne qoǵamdyq qabyldaý turǵysynan qajetti kómekter berý bolyp otyr.

Osy oraıda árbir volon­terlik toptyń ózderine tán is-qımyl ereksheligi bar ekeni, olardy daralamaı, ke­ri­sinshe birin-biri baıytyp, tolyqtyryp júrgeni de sú­ıinishti jaıt. Aıtalyq, al­ǵashqy top kómekti qajet etetin jalǵyzilikti jandar men múmkindigi shekteýli aza­mattardyń jandarynda júrse, ekinshisi qarııalar men analar úılerine jıi baryp, olarmen tyǵyz qarym-qatynas ornatýdy basty mindetimiz dep biledi.

Oblysta medısınalyq kómek kórsetýge baǵyt usta­ǵan volonterler toptary da jasaqtalǵan. Sondaı-aq sonaý keńestik kezeńde qalyp­tasqan «Qyzyl Jarty Aı» qoǵamy óz jumystaryn bú­gingi qazaqstandyq qoǵam múd­desine beıimdeı bilgeni de súısindirmeı qoımaıdy. Aıtalyq, qazirgi kezde jastar men stýdentterdiń arasynda re­prodýktıvtik densaýlyǵy nashar qoǵam músheleri jıi kezdesip qalyp júrgeni belgili. Eger bas kótere bastaǵan bul derttiń aldy alynbasa, erteń onyń aıaǵy úlken ókinishke aparyp soqtyrmasyna eshkim kepildik bere almaıdy.

Otbasyn qurǵan erli-za­ıyp­tylardyń reprodýktıvtik densaýlyqtary tómendiginen urpaq súıe almaýy – baqyt­syzdyqtyń bir kórinisi emes pe? Bul baǵytta «Reprodýktıvti densaýlyq» jáne «Alǵashqy medısınalyq kómek» atty kásibı dárigerlerden quralǵan volonterler toby ózderine jolyqqan jandarǵa jan jylýy men shıpa jylýyn qosa berýge qashan da ázir. О́ńirdegi vo­lonterler armııasynyń ta­ǵy bir ókili ekologııalyq ba­ǵytta týyndaǵan máselelerdi sheshýge qatysty óz únderin aıqyn jetkizýde. Sondaı-aq «Zerde» degen ataýǵa ıe volonterlik top is-tússiz jo­ǵalyp ketken adamdardyń de­­rekterin izdestirip tabýǵa qatysty jospar jasap, alǵa qoıǵan maqsattaryna qol jet­kizýdi kózdeıdi. Bul tur­ǵy­da olar óz jumystaryn tó­tenshe jaǵdaılar jónindegi memlekettik qurylymdarmen jáne quqyq qorǵaý organdarmen qoıan-qoltyq qyzmet jasaýǵa bekem bel býǵan.

Bıylǵy Volonter jylynda Aqtóbe aımaǵyndaǵy volonterler alǵa qoıǵan oı-josparlar men jobalar erteńgi kúnniń tyn­dyrylǵan naqty isine aınalsa ıgi.

 

AQTО́BE

 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar