Rýhanııat • 31 Qańtar, 2020

Romantıka

71 retkórsetildi

– Bilesiz be, meniń keıip­kerlerim mynaý appaq ormanda ómir súredi, – dedi ol keshegi jaýǵan qalyń qar­ǵa kó­milip, múlgip qalǵan aǵash­tarǵa qarap.

Onyń kúlimdegen kózindegi qýa­nysh ushqyny tap osy sátte aınalany nurǵa bólep jiber­gendeı boldy.

– Iá, – dedim men basymdy shul­ǵyp. – Siz bir tamasha ertegi ja­zatyn sııaqtysyz.

Ol oılanyp qaldy. Ústin­degi úlpil­degen aq tony qa­sy-kózi qıylǵan sulý boı­jet­kendi, rasynda da, tań-ta­masha ertegi áleminen shyǵyp kele jatqan hanshaıym sekil­di elestetedi.

– Joq, – dedi ol kenet b­a­­­syn pańdana shaıqap. – Men kádimgi syn­shyl realızm baǵytyndaǵy shy­ǵarma jazbaqpyn.

– Oý, – dedim men onyń pań­dana qalǵan keıpin una­tyńqyramaı. – Eger sizdiń sıýjetińiz mynaý ormanmen ǵana shekteletin bol­sa, on­da ana-a-aý qalanyń shyn­dy­ǵynan shet qalmaı ma?..

– Nege? – dedi ol tańǵal­ǵandaı qa­syn kerip. – Men olar­dan ashyq aspannyń, ap­paq qardyń, saf taza aýanyń birte-birte jylystap, taý bók­­terine qashyp tyǵylǵanyn aıt­­paqpyn. Endi túsindińiz be? Odan ótkir qandaı syn, qandaı shyndyq bolýy múmkin?..

Alataýdyń etegindegi tu­nyq tabı­ǵatty alǵash ret kórip tur­ǵan­daı aınalaǵa tańdana qarad­ym. Oıym tazaryp, sanam sergip, ózimdi ózim qustaı jeńil sezine bas­taǵandaımyn.

– Biz bankten nesıe alý úshin emes, my­naý dúnıeden lázzat alý úshin keldik emes pe! – dedi ol shattanyp.

– Solaıy... solaı-aý!.. – dep kú­miljidim men jaqynda ǵana nesıege al­ǵan jańa mashınama jaltaqtaı qa­rap... – Biraq myna tirshiliktiń qa­rama-qaıshylyǵy kóp.

– Jo-joq, – dedi ol aq kór­pege oran­ǵan bıik aǵashtyń bir butaǵyn silkip qalyp. – Ony esh­kim túsine almaıtyndaı qym-qıǵash, qarama-qaıshy etip jiber­gen ózimiz...

Osy sátte aǵashtyń ushar basynan saý etip tógilgen aq ulpa ony kómdi de qaldy.

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar