Álem • 31 Qańtar, 2020

Keseldiń keri áseri

31 retkórsetildi

Qytaıdan shyqqan koronavırýstan kóz jumǵandar sany kún saıyn ósip keledi. Resmı derekterge qaraǵanda vırýstyń jańa túri 132 adamnyń ómirin qıǵan kórinedi. Buǵan deıin Dúnıejúzilik densaýlyq saqtaý uıymy tótenshe jaǵdaı dabylyn qaǵýǵa erte degen bolatyn. Degenmen úlken kompanııalar men memleketter óz aldyna áreket etip, sharalar qabyldaýda.

Alǵashynda qaýip pen tótenshe jaǵdaıǵa negiz joǵyn aıtyp sendirgen Qytaı búgin­de aýrýhanalar salyp, birneshe qala­laryn jabýǵa májbúr bolyp otyr. Vırýs juqtyrǵandar Eýropadan, Birikken Arab Ámirlikterinen de tabyldy. Marokko koroli Muhammed VI el úkimetine Qytaıdaǵy marokkolyqtardy evakýasııalaý jolyn tabýdy tapsyrdy. Al AQSh 230 azamatyn alyp shyǵýdy qolǵa aldy. Sonymen qatar Ýhandaǵy dıplomatııalyq ókildiginiń jumysyn toqtatty. Qazaqstan da Ýhanda oqyp jatqan 61 stýdentin elge qaıtarmaq. Olar 14 kún boıy aýrýhanada baqylaýda bolady. Alaıda Dúnıejúzilik densaýlyq saqtaý uıymynyń basshysy Tedros Adan Gebreıesýs Qytaıdaǵy sheteldik azamattardy elderine qaıtarýdyń qaýipti ekenin aıtty. Sınhýa agenttigi halyqaralyq uıym basshysy Qytaı Syrtqy ister mınıstri Van Imen kezdesýde álem jurtshylyǵyn sabyrǵa shaqyrǵanyn da jazady.

Koronavırýstyń taralýy kóptegen kompanııa men halyqaralyq dárejedegi sharalardyń jumysyna kedergi keltirgeni sózsiz. Máselen, aqpannyń 20-22 kúnderine Gýańjýda josparlanǵan Azııa týrızm kórmesi ótkizilmeıtin boldy. Bul – 1993 jyl­dan beri ótkizilip turatyn úlken kór­melerdiń biri. Halyqaralyq tennıs federasııasy Qytaıdyń Dýngýan qalasynda josparlanǵan Federasııa kýbogynyń irikteý oıyndarynyń ótkizý orny ózgeretinin málimdedi. Fılıppın úkimeti bolsa Qytaı azamattaryna vıza berýdi ýaqytsha toqtatty. Fılıppın ımmıgrasııa bıýrosynyń ókili Haıme Morente bul qytaılyqtarǵa dıskrımınasııa emes, qaýipsizdik sharalary ekenin túsindirdi.

Al Gonkongte memlekettik qyzmetker­lerge úıden jumys isteýge ruqsat berildi. Bul sheshim indettiń ákimshilik aýdanda taralýynan saqtamaq deıdi. Ruqsat tek 2 aqpanǵa deıin jaramdy. Odan keıin sarapshylar qaıta baqylaý jasap, jańa sheshim qabyldaıdy. Jaǵdaı túzelmese, Gonkongtyń ákimshilik aýdany taǵy da birneshe aptaǵa jabylýy múmkin. Oǵan qosa Gonkong úkimeti sońǵy 14 kúnde Qytaıdyń Hýbeı provınsııasynda bolǵan azamattaryna elge qaıtýǵa tyıym saldy.

Al keshe tanymal Starbucks kompanııa­sy Qytaı aýmaǵynda ornalasqan 2 myń dámhanasyn jabatynyn málimdedi. Starbucks-tyń AQSh-tan keıingi ekinshi úlken na­ryǵy – Qytaı. Kompanııa basshysy Ke­vın Djonson Qytaımen seriktestiktiń toqt­a­maı­tynyn, alda úlken josparlardyń bar ekenin málimdedi.

Qytaı úkimeti de koronavırýspen bar múmkindiginshe kúresýde. Stemirna kompanııasy Týnszı ýnıversıtetine qarasty Dýnfan aýrýhanasynda vırýsqa qarsy mRNK-vaksına jobasyna ruqsat aldy. Ǵalymdardyń aıtýynsha, vaksınanyń bul túri ádettegilerden tez daıyndalady. Joba jetekshisi Lı Hanven tobyndaǵy zertteýshiler 40 kúnniń ishinde jańa vaksınany ázirleýge daıyn ekenin habarlady.

Sońǵy jańalyqtar

Tasqynnyń búgingi ahýaly

Aımaqtar • Búgin, 15:42

Salehardtan kelgen sıklon

Aımaqtar • Búgin, 15:30

Elordada jalpy jaǵdaı turaqty

Koronavırýs • Búgin, 14:50

Fýtbol maýsymy jalǵasa ma?

Sport • Búgin, 14:48

Qyzylorda oblysynda qylmys azaıdy

Aımaqtar • Búgin, 11:49

Qostanaı qalasy jartylaı jaryqsyz qaldy

Aımaqtar • Búgin, 11:06

Karantındegi Qaraǵandynyń «qyzyqtary»

Aımaqtar • Búgin, 11:05

Álemdegi ahýal qandaı?

Koronavırýs • Búgin, 10:57

Onlaın formatta otbasylyq baıqaý ótti

Aımaqtar • Búgin, 10:37

Qytaı: Ýhanda karantın aıaqtaldy

Álem • Búgin, 10:08

Daýyl «dertimizdi» anyqtap berdi

Aımaqtar • Búgin, 10:02

Qyzylorda: Taǵy 3 adam tirkeldi

Aımaqtar • Búgin, 09:57

MMA: UFC-di synǵa aldy

Sport • Búgin, 09:20

Elimizde vırýs juqtyrǵandar sany 700-den asty

Koronavırýs • Búgin, 08:48

Uqsas jańalyqtar