Úkimet • 31 Qańtar, 2020

Halyq únin Úkimetke estirtti

129 retkórsetildi

Parlament Májilisiniń depýtattary Premer-Mı­nıstr­diń orynbasary Berdibek Saparbaevpen jáne birqa­tar mınıstrlik ókilderimen kezdesti. Bul jıynǵa májilis­men­derdiń jyl ba­syn­daǵy óńirlerge sapary barysyn­da kóterilgen máseleler arqaý boldy.

Alqaly jıynǵa Parlament Májilisi Tóraǵasynyń orynbasary Gúlmıra Isım­baeva tóraǵalyq etti. Ol sóz basynda óńir­lerdegi turǵyndardyń talap-tilegin Úki­met múshe­leri­men keńinen talqylaý úshin bas qosyp otyrǵandaryn, mundaı ke­ńes­ter ótkizý dástúrge aınal­ǵanyn atap ótti.

– Elbasy, Nur Otan par­tııa­synyń Tóraǵasy Nursultan Nazarbaevtyń tapsyr­masy­na sáıkes depýtattardyń óńir­­lerdegi kezdesýleri jańa for­­matta uıymdas­tyryldy. Kez­desý ótkiziletini týraly áleý­met­tik jelilerge qosa, buqa­ralyq aqparat quraldary ar­qyly aldyn ala habar berildi. Bul, eń aldymen, halyqty keńi­nen qam­týǵa múmkindik berdi. О́tken jyldyń qańtardaǵy kezdesý­lermen salystyrǵanda, bıyl kezdesýler sany eki esege ul­ǵaıdy. Qatysýshylar sany bir jarym esege kóbeıdi. Kóte­rilgen túıtkildi máseleler sany eki ese ósti. Depýtattar qape­rine alǵan máselelerdiń 46,3%-y áleýmettik sıpatta bol­sa, 37,1%-y ekonomıkanyń negiz­gi salalaryna qatysty boldy. Onyń ishinde aýyl sharýa­shylyǵy, bıznesti damytý, aýyzsýmen qamtý, elektr energetıkasy, gazben jabdyq­taý boıynsha máseleler kóp­tep kezdesti. Buǵan qosa 87 máse­le (8,9%) qoldanystaǵy zańna­many jetildirýge baǵyttaldy, – dedi Gúlmıra Isımbaeva.

Jalpy áleýmettik máse­­le­lerdiń ishinde halyqty kóp tolǵandyratyny – turǵyn úımen qamtamasyz etý; ataýly áleýmettik kómek alýǵa úmitker otbasylarǵa qoıylatyn sharttar; jastardy, ásirese aýyl jastaryn jumysqa ornalas­tyrý; mindetti áleýmettik medı­sınalyq saqtandyrýdy engizý; kadrlar tapshylyǵy; densaýlyq saqtaý nysandaryn, apattyq jaǵdaıdaǵy mektepterdi, joldardy, sýmen jabdyqtaý jáne sý burý júıelerin salý, jóndeý; tarıftik saıasatty (elektr energııasyna, gazben jabdyqtaýǵa) jetildirý máseleleri.

Kezdesýge osy máselelerge jaýapty memlekettik organdar ókilderi kelip, depýtattardyń suraqtaryna jaýap berdi. Aldymen áleýmettik saladaǵy jumystar jóninde Úkimet basshysynyń orynbasary Berdibek Saparbaev baıan­da­ma jasady. Ol Elbasy Nur­sultan Nazarbaevtyń jáne Memleket basshysy Qasym-Jomart Toqaevtyń tapsyrmalary sheńberinde Parlament qabyldaǵan zańdardyń iske asyrylý barysyna toqtalyp, 2019 jyly ekonomıkanyń damý qarqyny 2018 jylmen salystyrǵanda 4,5 paıyzdy quraǵanyn aıtty.

– Eń basty másele – halyqty turǵyn úımen qamtamasyz etý. Byltyr el tarıhynda birinshi ret 13 mıllıon sharshy metr turǵyn úı berilip, 95 myń otandasymyz baspanaly boldy. Endigi meje – beriletin jalpy turǵyn úıdiń kólemin 15 mıllıon sharshy metrge jetkizý. Sondaı-aq mańyzdy máseleniń biri – jumyssyzdyqty azaıtý. Byltyr bul kórsetkish 4,8%-dy qurasa, bıyl muny 0,1%-ǵa tómendetý kerek. О́tken jyly eń tómengi jalaqy 1,5 esege, al memlekettik qyzmet­ker­lerdiń jalaqysy orta esep­pen 30 paıyzǵa ósti. Qazaq­stan­dyqtardyń qaryzdary men aıyppuldaryn keshirý úshin bıýdjetten qosymsha 147 mıllıard teńge bólingen, – dedi Berdibek Saparbaev.

Odan ári depýtattar óńir­lerde turǵyn­dar kótergen má­selelerdi Úkimet músheleri­niń nazaryna usyndy. Máselen, depýtat Baqytgúl Hamenova 2,4 mıllıard teńgeni quraǵan ataýly áleýmettik kómektiń artyq tólemi týraly sóz qozǵap, jalpy eldi meken­derdegi áleýmettik shıeleniske alyp kelýi ábden yqtımal artyq tólengen somalardy qaıtarý máselesinde qandaı sharalar qabyldanyp jatqanyn surady.

Buǵan Premer-Mınıstrdiń orynbasary barlyǵyn tekser­gen­derin, 75 myń otbasy óziniń tabystaryn jasyrǵanyn, qazir­gi tańda 500 mıllıondaı teńgeni bıýdjetke qaıtarǵandaryn aıtyp, jaýap qatty.

Al depýtat Fahrıddın Qa­rataev Eńbek jáne halyqty áleýmettik qorǵaý mınıstri Birjan Nurymbetovke «Bir, eki, úsh balasy bar otbasylarǵa aı saıyn áleýmettik tólemder tóleý nemese qandaı da bir kómek kórsetý jospary bar ma?» dedi.

– Bıyldan bastap kóp balaly otbasy­larǵa jańa jár­demaqy túrin engizdik. Qazir ol járdemaqyny 370 myń otbasy alyp jatyr. Sonyń ishinde az qamtylǵany – 125 myń otbasy. Endi tórt baladan az, ıaǵnı bir, eki, úsh balaly otbasylar da sondaı járdem­aqy berilse degen ótinishterin aıtyp jatyr. Osyndaı saýaldar bolǵannan keıin, mınıstrlikte ártúrli tásilderin qarap, qarjyny eseptep kórdik. Bir, eki, úsh balaly turmysy tómen otbasylar sany – 190 myń. Al Qazaqstan boıynsha jalpy bala sany úshten aspaıtyn 2 mıllıon 904 tabyssyz otbasy bar. Bul – 15 ese kóp. Sondyqtan ol 15 ese artyq qarajatty talap etedi. Ekin­shiden, basqa dáýletti, jaǵ­daıy jaqsy kisi­lerge de osy járdemaqyny tóleý kerek pe, joq pa – ol da úlken suraq. Son­dyqtan biz ázir eshqandaı sheshimge kelgen joqpyz, biraq onyń bárin qarap jatyrmyz, – dedi mınıstr.

Sonymen qatar depýtattar zeınetaqy tólemi, saıajaı turǵyndarynyń máselesi, tur­­ǵyn úımen qamtamasyz etý, jaǵ­daıy tómen otbasylarǵa kómek­tesýge qatysty kópte­gen suraq qoıdy.

Bul kezdesýge atalǵan Úki­met múshele­rimen qosa Bilim jáne ǵylym vıse-mınıstri Sholpan Karınova, Densaýlyq saqtaý vıse-mınıstri Lázzat Aqtaeva, Mádenıet jáne sport vıse-mınıstri Nurǵısa Dáýeshov, Aq­parat jáne qoǵamdyq damý vıse-mınıstri Ǵabıdolla Ospan­qulov, Premer-Mınıstr Keńsesi basshysynyń orynbasary Ermek Amanshaev, Indýstrııa jáne ınfraqurylymdyq damý birinshi vıse-mınıstri Qaıyr­bek О́skenbaev, Qarjy vıse-mınıstri Tatıana Saveleva, Energetıka vıse-mınıstri Jumabaı Qaraǵaev, Ekologııa, geo­logııa jáne tabıǵı resýrstar vıse-mınıstri Ahmetjan Pirim­qulov jáne Sıfrlyq damý, ınnovasııalar jáne aero­ǵarysh ónerkásibi vıse-mı­nıstri Azamat Batyrqoja qatysyp, ózderine tıesili suraq­tarǵa jaýap berdi. Jalpy, mejeli ýaqyt ishinde 20-dan asa depýtat 50 shaqty suraq qoıyp úlgerdi.

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

«Qutty qonaq» – Birjan elinde

Abaı • Búgin, 07:51

Aqyn muralary – Barnaýlda

Abaı • Búgin, 07:50

Danalyq kiltin ǵylymnan izdegen

Abaı • Búgin, 07:47

Ulttyq taǵamdar umyt qalmasa eken

Tanym • Búgin, 07:43

Altaı, Tarbaǵataı ánderi áýeledi

Rýhanııat • Búgin, 07:42

Túrki murasyn túgendegen eńbek

Tanym • Búgin, 07:41

Ormandy saqtaýǵa baǵyttaldy

Ekologııa • Búgin, 07:36

Qoryqshylarǵa qos kater tartý etildi

Aımaqtar • Búgin, 07:35

Uqsas jańalyqtar