Úkimet • 31 Qańtar, 2020

Mınıstrliktiń keńeıtilgen alqa májilisi ótti

54 retkórsetildi

«Astana Balet» teatrynda Qazaqstan Respýblıkasynyń Mádenıet jáne sport mınıstrligi ótken jyldy qorytyndylaýǵa jáne bıylǵy jyldyń josparlaryn talqylaýǵa arnalǵan keńeıtilgen alqa májilisin ótkizdi. Bul týraly Mádenıet jáne sport mınıstrliginiń baspasóz qyzmeti habarlady.

Alqa májilisine Qazaqstan Respýblıkasy Premer-Mınıstriniń orynbasary Berdibek Saparbaev, Parlament depýtattary, Prezıdent Ákimshiligi jáne Úkimet ókilderi, Qoǵamdyq keńes músheleri qatysty.

Jıynda Mádenıet jáne sport mınıstri Aqtoty Raıymqulova jáne vıse-mınıstrler Nurǵısa Dáýeshov pen Eldos Ramazanov, Til saıasaty komıtetiniń tóraǵasy Ǵalymjan Meldeshov memleket basshysy Qasym-Jomart Toqaevtyń «Syndarly qoǵamdyq dıalog–Qazaqstannyń turaqtylyǵy men órkendeýiniń negizi» atty joldaýy aıasynda týrızm jáne til saıasatyn damytý jáne Q.Toqaevtyń «Abaı jáne HHI ǵasyrdaǵy Qazaqstan» maqalasy, Elbasynyń «Rýhanı Jańǵyrý» jáne «Uly Dalanyń jeti qyry» baǵdarlamalyq maqalasy aıasynda mınıstrliktiń 2019 jyly atqarǵan jumystary jáne aldaǵy jyly atqarylatyn jumystar týraly baıandady.

Sonymen qatar 2020 jyly Ál-Farabıdiń 1150, Altyn Ordanyń 750, Abaı Qunanbaıulynyń 175 jyldyq mereıtoıy aıasynda atqarylatyn jumystarmen tanystyrdy. Osy rette Aqtoty Raıymqulova bıyl mereıtoıy qarsańynda ysyrapshyldyq pen naýqanshyldyqqa jol berilmeıtindigine nazar aýdardy.

«Bıylǵy jyl mádenıet jáne óner salasy qyzmetkerleri úshin jaǵymdy jańalyqpen bastalyp otyr. Memleket Basshysynyń Joldaýyn iske asyrý sheńberinde 2020 jyldyń 1 qańtarynan bastap mádenıet jáne óner uıymdary qyzmetkerleriniń jalaqysy respýblıkalyq deńgeıde 50%-ǵa deıin, óńirlerde 35%-ǵa deıin ósti. Jalpy, shamamen 36,4 myń adamnyń, onyń ishinde respýblıkalyq deńgeıde 3 myńǵa jýyq, óńirlerde 31 myńnan astam adamnyń jalaqysy ósti. Sondaı-aq, «Mádenıet týraly» zańdaǵy sońǵy ózgeriske sáıkes endi balet bıshileri 20 jyldyq eńbek ótilimen jumystan shyqsa, zeınet jasyna deıin jalaqysynyń 60% kóleminde aı saıyn memleketten tólemaqy alyp otyrady. Bul qarjyny sońǵy jumys ornyndaǵy 3 jyldyq jalaqy mólsherine qaraı esepteledi» dedi mınıstr.

Mádenıet jáne sport vıse-mınıstri Eldos Ramazanov 2019 jyldyń qorytyndysy boıynsha sportpen shuǵyldanýshylar sany artyp 5,7 mıllıon adamdy quraǵanyn aıtty.

«Bul degenimiz Qazaqstan halqynyń 30,6% sportpen turaqty shuǵyldanady degen sóz. О́tken jyly elimizde respýblıkalyq deńgeıde 610 sporttyq báseke ótkizilse, sportshylarymyz álemdik, halyqaralyq deńgeıdegi 877 saıysqa qatysty. Onyń 58-i Qazaqstanda ótken. Sondaı-aq 2019 jyly Prezıdenttik normatıvti tapsyrýǵa 4,3 mln. adam qatysty. Onyń 99,5 myńy prezıdenttik deńgeıdegi, 231,7 myńy ulttyq, 482,2 myńy bastapqy normatıvti oryndaǵan. 2019 jyly 13 jeltoqsanda memlekettik deńgeıde dopıngke qarsy sharalardy kúsheıtýge baǵyttalǵan «Dene shynyqtyrý jáne sport máseleleri boıynsha keıbir zańnamalyq aktilerge ózgerister men tolyqtyrýlar engizý týraly» Zań qabyldandy.

Zańdaǵy ózgerister sportshylarǵa, jattyqtyrýshylarǵa jáne basshylarǵa qatysty dıskvalıfıkasııalaý, aqshalaı kótermeleýdi qaıtarý, Olımpıada men basqa da jarystardyń júldegerlerine berilgen turǵyn úıdi qaıtarý, ómir boıy materıaldyq qamsyzdandyrýdy tóleýdi toqtatý, aı saıynǵy aqshalaı qarajat tóleýdi toqtatý, sporttyq ataqtan, razrıadtan aıyrý syndy naqty sharalardy kózdeıdi. Osy baǵytta ótken jyly dopıngke qarsy 120 semınar, 52 leksııa ótkizildi. 2019 jyly dıpıngke qarsy 36 quqyq buzýshylyq anyqtalyp, 29-yna shara qoldanyldy» dedi.

Sońǵy jańalyqtar

Tasqynnyń búgingi ahýaly

Aımaqtar • Búgin, 15:42

Salehardtan kelgen sıklon

Aımaqtar • Búgin, 15:30

Elordada jalpy jaǵdaı turaqty

Koronavırýs • Búgin, 14:50

Fýtbol maýsymy jalǵasa ma?

Sport • Búgin, 14:48

Qyzylorda oblysynda qylmys azaıdy

Aımaqtar • Búgin, 11:49

Qostanaı qalasy jartylaı jaryqsyz qaldy

Aımaqtar • Búgin, 11:06

Karantındegi Qaraǵandynyń «qyzyqtary»

Aımaqtar • Búgin, 11:05

Álemdegi ahýal qandaı?

Koronavırýs • Búgin, 10:57

Onlaın formatta otbasylyq baıqaý ótti

Aımaqtar • Búgin, 10:37

Qytaı: Ýhanda karantın aıaqtaldy

Álem • Búgin, 10:08

Daýyl «dertimizdi» anyqtap berdi

Aımaqtar • Búgin, 10:02

Qyzylorda: Taǵy 3 adam tirkeldi

Aımaqtar • Búgin, 09:57

MMA: UFC-di synǵa aldy

Sport • Búgin, 09:20

Elimizde vırýs juqtyrǵandar sany 700-den asty

Koronavırýs • Búgin, 08:48

Uqsas jańalyqtar