Jyl basynan beri 7 579 otbasyǵa AÁK keńes berilip, 2 367 ótinish qabyldandy, onyń ishinde kóp balaly otbasylardan túsken ótinish sany – 864. 1 421 otbasyna AÁK taǵaıyndaldy, al 125 otbasyna taǵaıyndaýdan bas tartyldy.
AÁK alýǵa quqyly otbasynyń jan basyna shaqqandaǵy ortasha aılyq kirisi kúnkóris qunynyń 70% -ynan aspaýy qajet. Nur-Sultan qalasy úshin eń tómengi kúnkóris deńgeıi 2020 jyldyń 1 toqsanynda 34 654 teńgeni kórsetse, kedeılik shegi 24 258 teńgeni qurady.
Jan basyna shaqqandaǵy ortasha tabysy AÁK taǵaıyndaýda ótinish jasaǵan otbasy músheleriniń sanyna qaraı jáne 3 aıǵa bólý arqyly esepteledi. AÁK mólsheri jan basyna shaqqandaǵy ortasha kiris men kedeılik sheginiń arasyndaǵy aıyrma retinde anyqtalady.
Sondaı-aq áleýmettik kómek aı saıyn tólenedi. AÁK alatyn az qamtamasyz etilgen otbasylardyń balalaryna kepildendirilgen áleýmettik paket usyný qarastyrylǵan. Jasyna baılanysty eki sanat: birinshi - 1 jastan 6 jasqa deıingi balalarǵa arnalǵan kepildeme paketi, ekinshisi - 6 jastan 18 jasqa deıingi balalarǵa arnalǵan kepildendirilgen jıyntyq.
Paket sheńberinde orta bilim berý uıymdarynda bilim alatyn oqıtyn oqýshylar úshin kúndelikti mektep asy, mektep formasy (jylyna bir ret), oqý quraldary (jylyna bir ret), qoǵamdyq kólikterdegi saparlardyń 50% -yn óteý jeńildikteri qarastyrylǵan. Mektep formasy men oqý quraldaryn satyp alýǵa sertıfıkattar tamyz aıynda oqý jyly bastalǵanǵa deıin beriledi dep josparlanýda.
AÁK-ge qujattardy qabyldaý kelesi mekenjaılarda júzege asyrylady: Jumyspen qamtý ortalyǵy (Beıbitshilik, 25), «Januıa» Otbasyn qoldaý ortalyǵy (Beıbitshilik, 14), Almaty aýdanynyń ákimdigi (Táýelsizdik dańǵyly 7), Baıqońyr aýdanynyń ákimdigi (Otyrar kóshesi, 5), Esil aýdanynyń ákimdigi (Qabanbaı batyr dańǵyly, 33), Saryarqa aýdanynyń ákimdigi (Saryarqa dańǵyly, 13).
